السلام عليكم
تعبت وانا ادور برياني ينطبخ معاه روب (زبادي)ويكون مضمــــــــــــون عشان ماتفشل جدام زوجي

وياليت لو يكون بالصور لانى ماقد سويته قبل

انتظركم ادري مابتحبطوني
03-02-1431 هـ, 06:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وصفة لمنال العالم وهي البرياني الباكستاني وحبيت أطبقها وكان العشاء رائع بمعنى الكلمة وأتركم مع الصور










الطريقة :
تغسلين الرز وتنقعينه من ربع إلى نصف ساعة
تحمسين البصل مع الثوم والزنجبيل ثم تضيفين الدجاج والمسمار والهيل والقرفة وتحركينه شوي وبعدين الطماطم المطحون والصلصة والماجي والبهارات وبطاطس مقطعه مكعبات حسب اللي تحبين أناحطيت وحدة وماء مغلي بس مايكون كثير علشان الصلصة تكون ثقيلة وتخلينة على نار متوسطة حتى يستوي وفي الأخير تضيفين علبة زبادي وكزبرة وتطفين النار
والرز تغلين موية وزيت وملح ولماتفور تكبين الرز لمدة 5 دقايق بس وبعدين تشخلينة وتحطين طبقة رز في القدر وتخلطينة بشوي صفار وبعدين خلطة الدجاج وبعدين باقي الرز وتحطين عليه شوي صفار وقطع الزبدة وتكتمينه على نار واطيه جدا لمدة ثلث ساعة وتقدمينه وزينيه حسب رغبتك انازينته ببصل محمر مع جزر وأضفت لهانصف ماجي وبهارات وكاجو وزبيب وأنا ماالتزمت بنفس المقادير حرفيا هذا اللي طبقته اليوم وكان جدا لذيذ
03-02-1431 هـ, 07:09 مساءً
 
المقادير:

دجاج مقطع صغار ومبهر بفلفل احمر وكركم

عيش الوطن وأيد أحبه حبة طويلة وايد (المقدار على حسب ماتبون)

روب + بصل مقطع+ معجون الثوم والزنجبيل + طماط مقطع+ فلفل حلو مقطع أصابع +كربنجه

بهارات حب مشكلة+ مكسرات مشكلة + صبغ الزعفران بودرة+ بطاط مقطع مكعبات ماجي مكعبات

وماجي بهارات العيش.

البهارات

7
7
7
مثل إلي بصورة
7
7

[img]https://s3-eu-west-1.amazonaws.com/edgecast-upload/PE/2010/01/19/04/********3348e9c8b4-1.jpg[/img]


الطريقة :

نأخذ طاسة ونحط فيها الدجاج والبهارات > ملح فلفل أحمر > كمون بودره >بهار البرياني الجاهز ماركة شان وطبعا يكون لبرياني الدجاج >والروب طبعا ملعقتان كبار والبصل والطماط والثوم
والبطاط والفلفل المقطع ونخلطهم عدل ونضع شوية صبغة عليه عشان ياخذ اللون البرتقالي+ ماجي دجاج ونتركه لمدة عشرين دقيقة يتنقع الدياي في الخلطة

بعد أنقضاء مدة العشرين دقيقة ناخذ جدر ونحطه على النار ونحط شويه زيت وبعدين بهارات الحبوب
والكربنجه ونقلاه عدل وعقب أنصب خلطة الدياي علية ونتركه لين مايطبخ الدياي عدل و ينظج وتحسينه استوى مثل صالونه الكاري غليظه.

[img]https://s3-eu-west-1.amazonaws.com/edgecast-upload/PE/2010/01/19/04/********987364650f-1.jpg[/img]


نفور الماي حق العيش ونحط فيه ماجي توابل الرز+ حبات الفلفل الأحمر ورشة ملح وقليل من الزيت

ونحط العيش لين يستوي نصف أستوى


[img]https://s3-eu-west-1.amazonaws.com/edgecast-upload/PE/2010/01/19/04/********d836aaca98-1.jpg[/img]

وبعدين نحط طبقة عيش وعقبها طبقة من الخلطة

[img]https://s3-eu-west-1.amazonaws.com/edgecast-upload/PE/2010/01/19/04/********a8f4e59f92-1.jpg[/img]

أخر طبقة العيش ونحط عليه شويه صبغة وكربنجه وشوي زيت من فوق


[img]https://s3-eu-west-1.amazonaws.com/edgecast-upload/PE/2010/01/19/04/********d2e7063a03-1.jpg[/img]

نخليه يسكر عدل على نار خفيفة وبعدين خلاص أقولكم

بالهني والعافية

وصحتين على قلبكم

مطرح مايسر يمري
**************
**********
******
***
**
*
[img]https://s3-eu-west-1.amazonaws.com/edgecast-upload/PE/2010/01/19/04/********7e087eef01-1.jpg[/img]


[/CENTER]
03-02-1431 هـ, 07:10 مساءً
 
من زمان ما كتبت لكم اي طبخه بس اليوم معاي برياني خطير بالمررررره

ويارب يعجب الجميع

أولا لعمل اللحم :

لحم مسلوق و يحتفظ بالمرق
نصف كيلو بصل مقطع شرائح
5 ثوم مفروم
ملعقة صغيرة زنجبيل مفروم
نصف كيلو طماطم
2 م ط كاري باودر(curry powder)
1 م ط كارام مسالا ( garam masala)
عصير ليمونة
1 م ص هيل مطحون
3 فلفل اخضر حار
3 م ط نعناع مفروم
2 م ط كزبرة خضراء
ملح
دهن أو زيت

الطريقة :

يحمر البصل حتى يلين ثم يضاف الثوم و الزنجبيل و الكار و الليمون و الملح
يضاف اللحم على حرارة عالية ثم يضاف الكارام مسالا و الهيل و الفلفل و النعناع و الطماط و قليل من مرق اللحم و يترك ليغلي ثم يغطي حتى ينشف المرق و تطفأ النار و يرش بالكزبرة .


لعمل الأرز :

ربع كيلو بصل شرائح
أرز طويل الحبة 6 كاسات
زبيب ( اختياري )
دهن او زيت
نصف م ص كركم
1 م ص زنجبيل مفروم
3 ثوم
1 م ص كارام مسالا
4 حبات هيل
مرق اللحم المتبقي + 1 ماجي ( أو 3 مكعبات ماجي + ماء )

الطريقة :

يحمر البصل ثم الثوم ثم الزنجبيل و الزبيب و البهارات ثم يضاف الرز ثم المرق الساخن و يترك ليتسكر بعد تغطيته



و الآآآآآآآآآن .... الخطوة الأخيرة


في طبق فرن كبير .. ضعي طبقات من الأرز ثم اللحم ..و يزين بالمكسرات المقلية و يدخل نصف ساعة

و بالعافية
03-02-1431 هـ, 07:12 مساءً
 
خذي الرابط اللي بتوقيعي وبتدعيلي
23-12-1431 هـ, 08:27 مساءً
 


الساعة الآن 10:08 .