Analysis Services

http://www.forum.hawaaworld.com/foru...aysprune=&f=31



السلام عليكم ورحمة الله وبركاتة (وأمابعد)ماكأني قلبت الموضوع وصار معروض المهم أبغاكم ياطباخات تعطوني مقادير وطريقة خبزكأنه خبز الصاج ألي هنا في المنتدى بس غيره يكون مررررره سخيف ورقيق وبعدمايسوى يحطون عليه كشنة لأن زوجي وعيالي يموتون فيه وأنا ملقيت طريقتة تكفون الله يفرج هم ألي تقولي
04-02-1431 هـ, 08:53 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
قصدك القرصان اللي بطحين البر الاسمر يعجن بماء وملح ويرق على الصاج وبعدين تحطين فوقه الحمسه الكشنه اوالحشوه ماوضحتي طلبك اتمنى هذا اللي بغيتيه
04-02-1431 هـ, 09:48 صباحاً
 
قصدك المراصيع اذاهي الي تبينها اعطيك مقاديرها وطريقتها

المقادير للعجينه

2كاس دقيق بر

4 ملاعق حليب بودره

1ملعقه كبيره بيكنج بودر

ذرة ملح

فنجال قهوه سكر

فنجال قهوه زيت

3 كاسات مويه دافيه للعجن

تخلط المقادير الجافه مع بعض وتصبين الزيت وتصبين مويه وتعجنين الين تصير العجينه زي خليط الكيك وشوي ثقيل

وبعدين تجهزين صاجه وتجيبين مغرفه ومنديل مبلل بزيت تخلينه قريب منك تمسحسن باالمنديل الي فيه الزيت بالصاجه

تحطين مغرفه من العجينه وبسرعه تمسحينها وتخلينها على نار متوسطه الين تستوي وتتخفس وتستوي بعدين اقلبيها

وهاكذا الين تخلصين العجينه وحفظيهم داخل حافظه وجيبي راس بصل وقطعيه صغير وحطي شوي زيت واحمسيه

الين يصفر لونه وتكونين مجهزه طماطه مقطعه حطيها فوق الكشنه وقلبي الين يستوي الطماط حطي ملح وماجي

وبهارات مشكله وفلفل اسود وجيبي نصف اصبع زبده وحطيها فوقهم وخليها الين تسيح الزبده وخلي النار هاديه مره

الين تجانس الخلطه طلعي المراصيع من الحافظه وخليها في صحن على جنب وحطي في الحافظه بترتيب اول شي

مراصيع بعدها كشنه بعدها مراصيع الين تخلص الكميه وقدميها باالعافيه وبسسسسسسسسسسسسسس

هاذي طريقة اهل ديرتنا امي وخالاتي وهي مشهوره مره عندنا وممكن تسوينها صغار وبسكر وزبده او عسل وزبده

او مع جبن ادماننننننننننننننننننننننننن ان شاء الله تسوينها وتعجبهم
04-02-1431 هـ, 10:10 صباحاً
 
الله يجزاكم خيرولايحرمكم ألأجر بس ماأقصد اللي قلتوه أقصد خبز أحيان المطاعم يحطونه فوق المفطح وهو يشبه كثير خبزالمرقوق الجاهز بس أسخف وأرق منه كثير أرجو أنكم فهمتو علي
04-02-1431 هـ, 12:12 مساءً
 
شكرا جزيلا على هذه الطبق الجميل رح اسويه باقرب فرصه
04-02-1431 هـ, 12:50 مساءً
 


الساعة الآن 09:05 .