تعالوا شوفوا عصيدتنا بالبحرين شلون شكلها...

الحلويات الشرقية والغربية

صباح الفل والياسمين عليكم يا حلوين
اليوم سويت لنا عصيدة بحرينية مالت أول على الفطور لأن زوجي يحبها مووت





وصورتها لكم علشان تشوفونها
نبدأ مع المقادير والشرح مع بعض....
ملحوضة: الكوب اللي راح تستخدمينه للطحين تكملين معاه في كل المقادير ولا يهم أي مقاس على راحتك

أنا سويت كوبين طحين قليتهم لين يشقروا وبعدين نخلتهم
وأخذت كوب حليب بودرة و شقرته على النار ونخلته على الطحين



أسخن ماء مقدار 5 أكواب وأضيف عليهم 2/1 كوب سكر وزيادة شوي وزعفران وأخلطهم مع بعض وأقيس مقدار 2/1 كوب وزيادة شوي زيت نباتي



أضيف الزيت على الطحين والحليب وأخلط وارجعه على النار لين يتجانس وأبدأ أضيف الماء تدريجيا وأخلط لين تنتهي الكمية كلها وأتركه على النار لمدة 5 دقائق وبجذي نكون انتهينا من العصيدة.



نقدمها وندهن الوجه بسمنة سايحة لان تعطيها طعم رهييييييييييييييييب.






وخلاص خلصنا العصيدة والحين هالله هالله بالردود السنعة عااااااد ما أوصيكم
ترى يمكن هذا مو مكان الموضوع الصحيح بس ما أدري وين أخليه ولقيت إن هذا القسم أنسب قسم له
أترك الحكم للمشرفات إذا حابين ينقلونه أو لا..
38
4K

يلزم عليك تسجيل الدخول أولًا لكتابة تعليق.

تسجيل دخول

لـggتس
لـggتس
مشالله

شكلها لذذذذذذذيذه

روعه حبيبتي

الله يعطيكي الف عااااااااافيه
هياء الحلوة
هياء الحلوة
ماشاء الله
مها السعيده
مها السعيده
الطحين رقم كم؟؟

شكلها خيااااااال من جد
um elias
um elias
ماشاء الله
ماشاء الله
روووووووووووعة:27:
عطرالكلام
عطرالكلام
يسلموووووووووو