هههههه وانا دخلت قلت يمكن اتحمس من ذكريااتك لمن صرتي رشيقه هههههههههههههههه

كان وزني قبل سنة او اكثر 80 او 90 بس على الارجح 90 خخ و انا كنت دبة من كنت صغيرة حتى كانو ينادوني بالمدرسة جازورا ههـ تعرفونها الشخصية الكرتونية اللي تاكل حديد , و لا عمري فكرت اسوي رجيم على قد المواقف المحرجة اللي صارت لي , مثلا امشي بالشارع و ياهل ياشر علي و يقولي يالدبة , او اذا مشى عني باص المدرسة و اجري وراه اسمع من البنات تعليقات بايخة , و مرة كان عندنا عرس من زمان من سنين و صورنا و لما شفت الصور انصدمت و كنت قاعدة و شوي و اصيح و عمومي يبون يخففون علي يقولون لي بالعكس حلوة بس بالصورة كنت كاني مرة عودة مو بنت 13 او 14 سنة , و لمن صار عمري 17 كنت قاعدة افكر كالعادة , و قمت افكر في الزواج و قلت لنفسي اللحين انا تقريبا في سنة زواج يعني كلها كم سنة و يمكن انخطب و قمت اتخيل شكلي لو انخطبت و انا بهالشكل و بليلة عرسي يكون شكلي وعع بفستان العرس و من ذاك اليوم قررت اسوي رجيم و سويت بحث بالنت عن الرجيم اللي ينحف اكثر خخ , و كان في رجيم 25 في اسبوعين و انا صدقت بعد , و طلبت من امي يشترولي اكل رجيم و امي تقولي ما راح تقدرين تستمرين و عملت رجيم اسبوعين و نحفت بس مو 25 كيلو خخ ما كان عندي ميزان و بعدها عملت فترت راحة و بعدها رجيم و بعدها فترة راحة و مرة كنت بيت خالتي و وزنت و طلع وزني 74 و استانست و بعدها باشهر ابوي شرالي ميزان و كان وزني 69 و حاليا وزني 64 و للحين مستمرة , و اللحين بقولكم التغيرات اللي صارت بحياتي , طبعا طول حياتي اختي الكبيرة انحف مني و ماكو مقارنة بينا و مرة كان عندنا عزيمة للعائلة بالبيت و وحدة من اليهالو تناديني من ورى عبالها انا اختي و استانست حدي خخخ , و في العيد و الله محددد عرفني عمات ابوي كلهم سلمو علي و هم مب عارفين انا من خخ و لمن عرفو بدا التحضين و التبويس خخ , و شكلي صار احلى بوااايد و صرت ما البس الا جينزات و بلوزات , و طبعا كنت امشي كل يوم ساعة و اللحين بدلتها بتمارين علشان اشد جسمي ,و بغيت احذر البنات من كريم استخدمته , كريم بارتنر لاف اعتقد جذي اسمه , ما يسوي شي ابددد يعني يمكن يخفف شوي لكن طلع لي خطوط بيضا في الاماكن اللي استخدمت فيها >< اذا احد عنه حل لهاذي الخطوط يعلمني
و بس
سوري طولت عليكم خخ

السلام عليكم ورحمة الله تعالي وبركاته
من جد الرشاقة حلم جميل ورائع وتحقيقه شئ يبي عزيمة واصرار
اكيد حتقولوا بطلي كتر كلام وادخلي في الموضوع
انا من زمان دبدوبه ووزني دائما ماينزل من 80 كيلو وطولي 163
المهم قبل مااتزوج عملت ريجيم وصار وزني 63 تخيلو بس غبية بعد الزواج بدا وزني بالزياده بسبب الاهمال طبعا والشهية المفتوحة وكبيرة اكبر من برج ايفيل واهرامات مصر , وصرت حامل وماشاءالله علي اثر اني حامل اكل وانظف كل الاطباق ووصل وزني 89,9 .
وبعدها مارجع شو اخس اوصل 82 وارجع وبعد سنتين جاتني بنتي حبيبتي وصرت ام لي طفلين بس شكلي كاني امي زوجي نفسه
ودائما ادخل عالم حواء الجميل واقراء واكتب الريجميات( مو ريجيم واحد) وكالعادة شهيتي لا تقاوم والاكل مااقدرش ابعد عنه ولااتنازل عنه ابدا
طبعا ادري اني طولت السالفه عليكم, المهم بعدها جلست اطالع البنات الفي عمري كيف اجسامهم واوزانهم وانا لما اروح طلعه معاهم ابين اكبرهم ومعني اصغرهم او قدهم في العمر ومن سنه بالضبط قررت اني لازم انحف ومنها بديت اعمل ريجيم واخفف اكل واعمل رياضه مشي وطلوع الدرج.
بس والله يابنات انا غيرت من نفسي اول شئ الحين مااقدر اشرب اكثر من ملعقة صغيرة سكر مع الشاي ولو حليب نص ملعقة فقط
لو اكلت متاخر علي طول معدتي توجعني ومااقدر انام, احب واستعمل السكر البني دائما , صرت مااحب اكل خبز كتير معظم اكلي بالملعقه, والله انا بشكر اي احد في هدا المنتدي الرائع لانهم السبب في تغيير نظام حياتي
المهم حتقولوا هي تحب الكلام الكتير هاتي زبدة الحديث وخلصينا وقولي كم وزنك الحين
خلاص ماتعصبوا لما بديت تخفيف اكل مو ريجيم كان وزني بين 88 و 89 الحين ومعنو لي شهر مع التخبيص وزني 63,3 والله يابنات مو داعية وله دجل مني هادي تجربتي الحقيقة, لا رحت عند اخصائي وله شئ كنت لو عندي سؤال اسال دكتورة ريهام الفي هادا المنتدي ربي يعيطها الف عافية, وحتي الحين قبل اسبوعين راسلتها وخبرتها عن وزني قالت بس خففي اكل عشان توصلي للوزن المثالي
ادري اني طولت السالفه بس والله حبيت انقلكم تجربتي لاني من جد وربي يشهد احبكم واتمني كل دبدوبة تصير رشيقة.
الحين باكل بس دائما اشرب شاي اخضر واكثر من الفواكهه.
انا كنت ناويه انزل موضوع اكتب فيه تجربتي بس خلاص الحين كتبتها
واتمني انو الكل يستفيد

رفــــــــــــــــــــــــــــــــع

موفقين