الحمدلله على سلامتك اختى انتى والبنوتة
انا قصتى مع تسمم الحمل مختلفة الحمدلله على كل شى
خلينى احكيلك قصتى مع تسمم الحمل وايش صار معايا
يوم ولادتى كان (2 رمضان 2008)
فى بداية الشهر السابع بدأت اتنفخ وزاد التنفيخ عندى فى جسمى حتى وجهى كانت عيونى مو باينة المهم من الشهر التامن كنت احس بالام فى اسفل الضهر طلق رحت المستشفى واعطونى مسكن وقاسولى الضغط مافى شى ورجعت بس بعدين يوم ولادتى
اول ماصحيت قلت خلينى اخلص الشغل فى البيت لا اروح اولد
المهم اختكم كانت (صايمة ) واشتغلت بعدين ما وصل العصر احس الم فى رقبتى من الخلف (ضغط عالى):mad: قلت دحين الالم يروح اتمددت شوية عشان ارتاح واختكم شوية احس بزغللة فى العين زوجى جا قلتلو احس بزغللة فى العين قلى يكمن تبغى نضارة :44:دكتور ههه بعد كدة رحت افطر عند الوالد وكنت مانى شايفة نص ونص واقول لبابا انى مو شايفة يقولى يمكن عشانك ما اكلتى قلت انا رايحة اتمدد شوية ورحت الصالون وانسدحت والالم يزييييد وانا خلاص صرت ابكى ستى الله يعافيها قالتلى بسرعة على المستشفى وعلى المستشفى على طول رحت انا كنت اتابع فى السعودى الالمانى جدة ... ما انصح اى احد يروح عندهم
المهم رحت ودخلونى الولادة اقولها للمصرية انا مو شايفاكى والله ابدا مو شايفة عمية قاسو الضغط 170 على 110 عاااالى
على طول قالولى ولادة اتخيلو ضغطى عالى واعطونى ابرة طلق
قام صار عندى تشنج المفروض كان قيصرى على طول
وبعد كدة ما ادرى ايش صار رحت عالم تانى كنت اشوف ناس لابسين ابيض ويمدو يدهم عندى يبغو ياخدونى المهم صحيت واحس على بطنى ولاقى امى جنبى الله يخليها ولايحرم احد امة
واقولها امى ابغا اشوف ولدى قالتلى طيب وجابوة :04: حبيبى الحمدلله ما كان فى شى ما شاء الله (الحمدلله والشكر لله على نعمتو انو رزفنى طفل معافى سليم)
وولدت وقعدت فى العناية المركزة 10 ايام وكانو بس يعطونى منوم لمدة3 ايام
هادى قصتى مع تسمم الحمل واهم شى انو المرأه تحافظ على اكلها وعلى جسمها اثناء الحمل ودعاء ربها اولا والابتعاد عن العصبية والزعل والدنيا ما تستاهل
ادعولى ربى يرزقنى بالذرية الصالحة ونفسى ببنوتة حلوة :27:
يلا بنات ابغا دعواتكم اختكم :26:
دلوعة_تونا @dloaa_tona
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ويارب تفرحي في وتشوفي عريس:arb:
واجر وعافيه يارب :26: