وش احط تقديمات للاستقبال ... ؟؟؟؟؟؟؟؟

شوفي حبيبتي بالنسبه للشكولاته عندك باااتشي هو ما فيه زود لكن اسم معروف مع اني ارشح انها تاخذ من روز شكولاته كبااااار وتواجه عندك لافندر منزل شكولاته كبااار حلوه مره وكلماااات يصمم الشكولاته الي تبغين سواء مكتوب فيها اسم او غيره دونيه عنده شكولاته البراويز حلوه اهم شي نصيحه ابعدي عن جوي وفيه محل مره حلو اسمه على ما اظن عسل وسكر بس مشكلته ماله الافرع واحد في شرق الرياض شكولاته محشيه اوريو وتمر وحركات حلوه
لاتين عنده معمول مغلف ومغطى بشكولاته يجنننن بنكهات تراميسو وتشيزوووووو وعند تمر بورد الجوري واشكال تمور مغلفه خطيييره الكيلو 180
الحلى المنزلي ماادري قصدك المكشوف يمكن فيه اشكال حلوه في سو واتوقع جهينه ولافندر
العصير ارشح كوكبة العصاير و50 فاكهه
التارت فيه اشياء حلوه في محلات الحلويات الي شارع الثلاثين ويعجبني القباني اهم شي لا تاخذين من سنابل السلام ولا تقبلون عليه تارته من العصر الحجري
الصياني القزاز حلوه وموضه بكلامهم بس ما فيه مثل الصياني الي كانها تحف من فخامتها الناس ماتنتبه ايش جواها انا ماخذه صياني من تحف دار الهدايا الشرقيه بس عالفكره مواي شي يناسب يتعبى فيه
واذا ذكرت شي بارجع اكتب ولا يهمك
وفالكم التوفيق

يالبا قلبك والله حبيبتي

تسلمين الله يوفقك دنيا واخره ويفرج لك كل كربه وجميع المسلمين

بس حبيت استفسر عن شغله

تتوقعون كم احط صينيه مع القهوه

شوكلاته ـ وتمور ـ او معمول ـ .......... او ايش

ومع العصير يكفي نوع واحد !!

الله يعافيكم ويجزاكم كل خير

شوفي بالنسبه لي انا احط نوعين شكولاته قصدي ماركتين يعني مثلا روز و باتشي واحط صينة تمور وصينية معاميل
مع العصير انا والله احيانا احط نوع واحد واحيانا اكثر بس اذا حسيت ان النوع الي جبته حلو وفخم وجديد لااحط نوع واحد
وشوفي ملف فن التقديم لبنات الرياض تراه مره حلو بس لابد من اختلاف وجهات النظر بين البنات تعرفين لو تساوت الاذواق لبارت السلع

يلبسك ربي لباس العافيه

ويعطيك على قد نيتك الحلوه حبيبتي

الف الف شكر

ماقصرتي والله