السلام عليكم ورحمة الله وبركاته

ان شاءالله ده ملف فيه مجموعه وصفات من غير لحوم
تنفع لو انتى فى يوم عايزة تطبخى من غير لحوم لأنكم زهقتوا وعايزين تغيروا او لو مصروف البيت خلص او قرب يخلص وانتى قررتى تكملى الشهر بدون لحوم وطبعا ده شىىىىء وارد واكيد كلنا بتمر علينا الظروف دى نتيجة ارتفاع الاسعار ( ده ان حد اعترف ان بسبب ارتفاع الاسعار لكن الواقع اللى بيتقال ان انتى اللى مسرفه ومش مدبره وايدك سايبه ) فى الحالة دى واقل رد تردى عليهم انك تهريهم عدس
وعلى فكرة بينقسم الاكل ل 3 درجات :-
1- اكل عادى باللحمة او بالفراخ
2- اكل متوسط يعنى باللحمة المفرومة مثلا تعملى صينية مكرونة بالبشاميل وبطاطس محمرة وسلطه وبسسسسسسس (والله اكله حلوة )
3- اكل بدون لحوم وغالبا بتكون صوانى بدون لحوم او انواع من اطباق العدس زى الكشرى مثلا

ملفنا ده منوع يعنى من عندنا ومن ملفاتنا ومن كتاب ومن مواقع ومن كل بلد اكله وهكذا علشان يكون مصنف بعده طرق تفيدكم ان شاءالله






دى امثله لبعض الوصفات اللى حتتحط فى الملف
وفيه حاجات اكتر من كده بس انا بديكم مثال على معنى
جمله اكلات بدون لحوم
فتة العدس - العدس بجبة بالصلصة - العدس بالكسبرة - العدس الاصفر فى الفرن -
برغل بالطماطم - عدس بانية - عدس بالشعيرية - عدس بالجزر - عدس بجبة فى الفرن
مكرونة بالعدس - عدس بالبيض - عدس بجبة بالثوم - بسلة بالمكرونة - مكرونة بالجبن والبشاميل
- شعرية بالطماطم - عجة الارز - ارز بالسوسيس - ارز بالحليب والبيض
بطاطس بالفلفل فى الفرن - السبانخ بالذبادى - جلاش بالخضر - فول فى الفرن
البطاطس بالبيض - القرع بالبشاميل - الباذنجان بالجبن -
تورلى بالخضر المشوحه والبشاميل-





فتة العدس
فنجان عدس - 2 م ك سمنة- من 6 / 8 فناجين ماء او بهريز او ماء و بهريز
خبز مقدد مقطع قطع مناسبة - من ربع ل نصف راس ثوم مفرى - م ك خل - ملح وكمون
الطريقة
يغسل العدس ويوضع فى حله فيها الماء لحد مايستوى
يصفى العدس ويتبل
يقدح معلقة واحدة سمن ثم توضع فوق العدس وتقلب
يصب العدس الساخن على الخبز ويغطى ويترك مدة من 5 ل 10 د
نعمل التقلية :- يفرى قليل من الثوم ويحمر فى معلقه السمن التانية ويضاف اليه قليل من الخل ويترك على النار قليلا
تغرف الفتة فى طبق التقديم وتصب عليها التقليه وتقدم ساخنة

العدس بجبة بالصلصة
2 كوب عدس اسود- 2 كوب بصل - 2 كوب عصير طماطم - راس ثوم - كوب بقدونس
ربع كوب خل - سمن – ملح - توابل
الطريقة
يغسل العدس وينقع فى الماء اطول فترة ممكنة
يسلق العدس فى الماء المغلى نصف سلق(عشان حنكمل سواه فى الفرن )
يقدح السمن ويحمر البصل والثوم المفروم
يضاف الخل وعصير الطماطم ويترك ليتسبك
يقلب العدس فى الصلصة ويضاف البقدونس ويوضع فى طبق فرن ويوضع عليها قليل من الماء والتوابل ويغطى ويدخل الفرن حتى ينضج ويقدم ساخنا

العدس بالكسبرة
ربع كيلو عدس اسود- كوب كسبرة خضراء - 2 كوب عصير طماطم – نص راس ثوم - كوب بقدونس - ليمون او خل - سمن او زيت – ملح – فلفل- 2 بصلة
الطريقة
يغسل العدس وينقع 6 ساعات على الاقل
يسلق العدس فى الماء المغلى حتى ينضج
يقدح السمن او الزيت ويحمر البصل المفروم
يضاف العدس ويقلب على نار هادئة
يحمر الثوم والكسبرة على النار ثم يضاف الخل او الليمون
ثم نضع خليط الكسبرة والثوم على العدس ويترك على النار مدة 5 د
يغرف فى طبق ويقدم ساحنا





العدس الاصفر فى الفرن
2 كوب عدس اصفر سميك جدا - كسبرة جافة - كيلو طماطم معصورة – نص كوب ثوم - كوب بقدونس - سمن – ملح – فلفل – كمون – توابل - كوب بصل مفروم – نص كوب فلفل اخضر مفروم
الطريقة
يحمر البصل والثوم حتى يصفر لونهم ثم تضاف الطماطم وتترك لتتسبك
يضاف الملح والكمون والكسبرة والتوابل
يضاف الفلفل الاخصر المفروم مع التقليب على النار
يضاف البقدونس ويستمر فى التقليب
يضاف العدس المصفى السميك ويقلب ويعاد التتبيل
يصب الخليط فى طبق فرن ويدخل الفرن حتى يحمر
يجمل الطبق ويقدم ساخنا

برغل بالطماطم


كوب برغل - كوب طماطم – 3 معالق صلصة - بقدونس
ليمونة كبيرة - سمن او زيت – ملح – فلفل- 3 بصلات
الطريقة
ينقى و يغسل البرغل وينقع 6 ساعات
يقدح السمن او الزيت وتضاف التوابل
يقشر البصل ويقطع شرائح رفيعه جدا ويشوح فى السمن او الزيت
يضاف تضاف الصلصة وعصير الطماطم وتترك لتتسبك
يشوح البرغل جيدا ويضاف الى البصل
يغطى بالماء ويترك ليتشرب وتهدأ النار حتى ينضج
يضاف البقدونس والليمون ويقلب على النار الهادئة
تغرف فى طبق التقديم

عدس بانية
3 كوب عدس ناضج سميك مصفى – نصف كوب ارز مطحون او دقيق بسبوسة – نصف كيلو طماطم معصورة -نص كوب بقدونس مفرى – زيت للتحمير- سمن – ملح – فلفل – كمون – بيض – بقسماط - دقيق
الطريقة
يرفع العدس على النار ويتبل ويذاب الارز المطحون او دقيق البسبوسة فى حوالى نص كوب ماء ثم يضاف الى العدس وتهدء النار ويقلب حتى ينضج الارز
يصب الخليط بعد النضج فى طبق واسع ومدهون بالزيت ويترك حتى يبرد ويقطع حسب الرغبة
تغطى كل قطعه بالبيض والدقيق والبقسماط
يحمر زيت غزير ويحمر قطع العدس
يوضع على ورق ماص للدهون
ويقدح السمن ويتبل ويضاف اليه عصير الطماطم ويترك ليتسبك
يرص العدس البانية فى طبق التقديم ويجمل بالبقدونس ويقدم وبجانبه الصلصة والسلطة





عدس بالشعيرية
2 كوب عدس اصفر- كوب شعيرية - 2 ثمرة طماطم – راس ثوم - كوب بصل مفروم - سمن – ملح – فلفل – كمون – توابل - 2 بصلة – 2 ثمرة فلفل
الطريقة
يغسل العدس وينقع
يوضع فى حلة بها ماء مع قطع البصل والطماطم والفلفل والثوم ويرفع على النار
يخفق العدس او يصفى فى المصفاة
تحمر الشعيرية ويصب عليها العدس المصفى
تضاف التوابل مع التقليب السريع على نار هادئة
يحمر البصل المفروم حتى يحمر لونه ثم يضاف نصفه الى العدس ويقلب ويغرف فى اطباق ويجمل بباقى البصل المحمر

عدس بالجزر
نصف كيلو عدس اسود – ربع كيلو جزر - كوب عصير طماطم – ربع راس ثوم – ربع كوب زيت – ملح – فلفل – بصلة كبيرة – كوب ماء
الطريقة
ينقى العدس و يغسل وينقع فى الماء لمدة ساعتين ثم يرفغ على النار بعد ان يغطى بالماء ويترك حتى ينضج
يقدح الزيت ويشوح فيه البصل والثوم المفروم ويبشر الجزر ويضاف الى البصل والثوم ثم يضاف عصير الطماطم ويترك ليتسبك
تتبل بالملح والفلفل ويضاف كوب ماء ويترك على النار مدة 10 د ويغرف ويقدم ساخنا او باردا

عدس بجبة فى الفرن
3 كوب عدس اسود- ربع كيلو بصل - 3 كوب عصير طماطم - راس ثوم - كوب كسبرة خضراء مفرومة - سمن او زيت – ملح – فلفل - بهار
الطريقة
ينقى العدس بعد ان يغسل ويترك مفرودا ليجف ويغسل مرة اخرى
يغلى مقدار من الماء ويوضع فيه العدس ويترك حتى ينضج نص نضج
يقشر البصل والثوم ويفرم ويقدح السمن او الزيت ويحمر فيه البصل والثوم حتى يصفر
يضاف عصير الطماطم الى البصل ويترك حتى يتسبك وتضاف الكسبرة الخضراء الى عصير الطماطم ويتبل الخليط بباقى التوابل
يضاف العدس الى الخليط السابق جيدا ويعاد التتبيل ويوضع فى طبق فرن ويغطى حتى ينضج ويوضع له قليل من الماء اذا احتاج الامر ويجمل الطبق ويقدم مع السلطة فيكون وجبة كاملة







الساعة الآن 08:55 .