اتكلي على الله واعزمي تراه مشروع قوووي جدااا
اكتبي في قوقل دراسة جدوى وشوفي وش بتلاقين
08-02-1431 هـ, 06:37 مساءً
 
سوي مشروعك وماعليك

الناس ماتوقف اكل اهم شيء عندهم الاكل ..
09-02-1431 هـ, 11:53 صباحاً
 
موفقة عزيزتي بس لا تتكلفي في الدييكور كثير اهم شي يكون المكان مرتب ونظيف وناعم

الاهم في هذا المشروع وش راح تقدمين فيه لازم تقدمي الاكل اللي يحبونه البنات يعني لا يكون الاكل من فطاير اللي تنباع في البقالات خلي كل شيء صنع يدوي سوي شاي وكافي وعصيرات ومويه
والاكل سويه انت او اتفقي مع احد يسويلك اكل مالح وحلى بيعي بطاطس مقلية وذرة وحتى فشار

بيعي شوكلاتات وشيبسات زي ليز وطقتها

توكلي على تراه مشروع ناجح كثير بمشيئة الله
09-02-1431 هـ, 01:24 مساءً
 
الحين ماسويت شئ
فريت جوجل كلة ماطلع لي اي دراسة جدوى
طلعت لي بس ماتفتح مدري وش سالفتها
ياريت اللي تقدر تساعدني فيها
اعتقد المشروع يبيلة راس مال 60 الف ريال والله اعلم
09-02-1431 هـ, 07:53 مساءً
 
بصراحه ما انصحك تسوينه فااااشل جدا جدا جدا <<<<<< هذا راي وحده حاطه عينها على المكان وتبي تسبقك لان امكانياتها واوراقها جاهزه


بس انتي خليك ذكيه ولا تصيرين زي ترف اللي يبيلها مصعة اذن استسلمت من كلام اجل لو كان الحرب من داخل البيت وش بتسوين يا ترف والله زعلت عليك يوم قلتي صرفتي النظر


المهم سالفة الديكور شيليها من بااالك العالم بتشتري وتطلع واذا تبي تجلس تبي طاولات وكراسي

اهم شي اهم شي اللي اهم من الديكور النظافه ارضية الكفتريا وغير النظافه التنظيم يعني مهما كان الضغط عليك في الكفتريا حسسي البنات ان السرى ماشي يعني يبيلك 2 للمحاسبه كل وحده من جهه

الاكل مثل ما قالو البنات لا تعتمدي على المطاعم كثير مثلا مثلا بقولك

ورق العنب جيبي التنك التركي الكبير .... هالحين بيدخلون بنات حواء بيقوولون يووه لا ما نبيه ما عليك منهم وتعاملي مع محل البلاستيك تلاقينهم في الربوه وش كثرهم خذي من الصحون اللي بغطاء بلاستيك شفاف لان العين تعشق يا حلوه وهذا اغراء ليه اقولك خذي التنك اول شي بيعطيك فرصه لانك تقدمي شي بسعر اقل واذا جبتي التنكه اغسليه وصفيه بقدر وحطي عليه موية حاره وبهاراتك اللي تحبيها واغليها على النار تغير من طعمها وتعطي لك نكهه مميزه هذا صنف

الصنف الثاني جيبي خبز الصامولي اكياس اكياس وجيبي من محل فلافل بالحبه جيبي كميه كبيره والله الله بسوق الخضره عليك بالطماط والبقدونس وخلي العامله تسوي طحينه سايله تعرفي انتي طريقتها وسوي الساندوتشات حتى تقطيع الطماط اذا بياخذ وقت اكيد انتي موظفه وشاريه مكينه مولينكس اللي تقطع شرايح ما يمنع تستغني عنها الين تجيبي دخل كويس بعدها بدليها وهذا صنف

جيبي برجر وخليها هي تصلحها في الكليه وهذا صنف

جيبي بطاطس وعندك مكينة التقطيع اللي مثل عصارة البرتقال واقليه وهذا صنف

جيبي الذره على فكره ما يبيلها شي قدر عادي ومويه حااره الين تسخن وتتصفى بصفايه وتنحط في حافظه عليها زبده وملح وهذا صنف

جيبي بليله ونفس الشي جهزيها بالعلب وخلاص حتى الذره جهزيها وخلاص اذا تبي تدفعي فيه عندك زي الدولاب عباره عن ارفف بس هي سخان حاولي تبحثي عنها هذي بتساعد كثير يظل الاكل ساخن عبال ما تجهز الكميات الثانيه

الكورسون والفطاير انا اشوف لو تجيبيها عاديه من لوزين افضلك عشان تعطين سعر معقول وبنفس الوقت الجوع ظالم ما يخلي الواحد يفكر راح تجيك تاخذ وتطلع وكذا كذا انتي ربحانه لانك حاطه اسعار قليله بنفس الوقت ما اثرت على ميزانيتك لان اصلا انتي وفرتيها بطريقه رخيصه وهنا الاهم واذا تبغي تعملي اصناف حلوو

عندك يا بسبوسه مقاديرها متوفره في كل مكان ولا تاخذ وقت في اعدادها وما تحتاج مكونات كثيره بصراحه حتى الشيره سكر ومويه

وحتلاقي عليها اقبال مع الكوفي


ممكن تعملي شفتي السينامون بس لا تعمليه لف وتعب لا اعمليه مثل بيتزا هت كوريها كور وتكوني مجهزه خليط السكر البني والقرفه والسكر العادي شيليها وجيبي اوراق الكب كيك وحطي كل 3 او 4 كور مع بعض ودخليها الفرن واذا طلعت لا تتعبي نفسك بالخلطات ونستله وغيره جيبي كريمة بيتي كروكر البيضاء ودهن على الوجه ورشة شكولا بودره وبيعي بالحبه هذا صنف حلوو بسيط وسهل وما تحتاجي شغلات كثيره فيه والعجين عليك بعجانه كينويد بتسهل عليك امور كثيره فيكي كمان تحطي كريمة بيتي كروكر البيضاء وتحطي معاها علبة قشطة الخفق من المراعي عشان تضاعف لك الكميه وتعطيك نكهة صوص السينيمون الاصلي

المشروبات عندك الاخت النوري خذي من عندها ماكينه حقت المشروبات فيها اتوقع الى 7 اصناف او 9 اصناف مشروبات

عاد خلي شي شاهي ونسكافيه و كابتشينو وموكا وحليب وهوت شوكليت عاد انتي بدعي مجرد برمجه للمكينه وتجهيز المكونات وخلاص ومويه

والباقي جيبي مويه والمشروبات الغازيه والعصيرات والخفايف من انواع البطاطس والاشياء المكيسه وحتى المكسرات فيكي توزعيها على اكياس صغيره زي اكياس لوز الحجات تعرفيه البني ابد وزعي المكسرات فيه وبيعي حيكون عليه اقبال

المحل لا تجيبي كل الطاولات زي بعض لا

جيبي شي طاوله لشخصين شي لــ 6 اشخاص شي لــ 4 زي كذا نوعي نحن ثقافتنا مش مثل الاجانب انا بجلس بحافة الطاوله غيري بيجي بيستخدم الطاوله معاااي لا نحن هنا بالسعودي تلاقي وحده جالسه على طالوة 6 كراسي ولا تبي احد يجلس معاها والمكان مش موفر لها اصلا طاوله تجلس فيها لوحدها فاحرصي على هالنقطه خلي فيه جزئين جزء رتبي الطاولات للاعداد الكبيره يعني 6 اشخاص والجزء الثاني رتبيه على توزيع الطاولات الصغيره والافضل فيه طاولات بتجي الكراسي مشبوكه فيها يعني مافيه مجال تروح يمين والا شمال او حتى ينحاس عندك المكان تضمني الترتيب وتضمني سهولة نظافة المكان وزعي سلات المهملات واحرصي على تفريغها اول باول

احرصي علة وجود معطرات الهواء في الجدران وتجديدها بين كل فتره وفتره حتى لو اظطريتي تعايري جوالك على وقت تغيرها بحكم ان عدد البخات واضح

ما يمنع من شتلات الشجر الصناعي في اماكن معينه تعطي منظر حلوو

احرصي على التكيف في حال الاجواء حاره احرصي على البروده واذا الجو بارد احرصي على التدفئه اذا راعيتي هالاشياء الديكور ما راح يلزمك ابد لو حطيتي بويه عاديه في البدايه الين يوقف المكان صح ويصير يدخلك دخل جامد بعدها عاد انتي اللي راح تحكمي هل الديكور راح يضيف لك شي او مجرد خسارة فلوس على الفاضي بقيمة الديكور اجيب يد عامله تساعد في المحل

ولاتنسين ترامس القهوه العربي اول وحده بتشرتي عميدتكم وصاحباتك في العمل

ايه وفري بطاقات الشحن خليها ام 10 ريال لا تجيبن اغلى من كذا وشوفي الاقبال عليها بعد

وكل ما كانو العاملات انتي تعرفيهم يكون افضل وتثقين فيهم او اقل شي وحده منهم عشان تدير لك الكفتريا صح وتنتبه للوضع

والله يوفقك يارب
09-02-1431 هـ, 09:29 مساءً
 


الساعة الآن 08:37 .