ساعدوني في حل لمشكله ابني المتمرد

تحيه عطره لاخواتي بنات عالم حوا عساكم طيبين وبخير ماابغى اطول عليكم واطفشكم بس ردود افعال ابني مدمره حياتي ونفسيتي ابني اول ابتدائي يعني عمره 7 سنوات لكن متمرد عليا تمرد شاب مراهق انا عنده اسوا ام في الدنيا شريره عصبيه واحيانا يلمح اني غبيه طبعا مايقول كده بس من طريقه نقاشه معايا تبين ان ده احساسه حتى اهلي يكرهم واحس انه بسبب انهم اهلي مو اكثر لاني حتى لما احاول افهم منه ليه ماتحب خالاتك مالاقي منه رد انا مااحكم على نفسي صرت اسال اهلي وصحباتي زي المجنونه هل انا ام فاشله انا مااعرف كيف اتعامل مع ابني ايش الوصله لدا الحال ابويا يقول لي انت جدا صريحه معاهم يعني مايبغاني كل شي غلط اقول عليه في وجه ابني لا يقول لي المهم انه مايساويه حاولي تلفي وتدوري من دون مايشعر انك بترفضي رغباته لكن الكل اجمع اني ام ممتازه وانه هو المو طبيعي انا زي اي ام ادلع اطفالي وفي نفس الوقت اوجهم مع العلم باني الله يشهد عليا ايش ساويت عشانه هو واخته وحالي حال كل المهات اليضحه عشان راحت اولادهم وتدرو كيف الرجال يكبرو راسهم في تربيه الاطفال والله انا تعبت احد يقوللي كيف اتعامل معاه بس مو بالشده لان هو يقارن بيني وبين اهل ابوه وكيف هما يساوله اي شي يطلبه مو زيي حاولت افهمه اني اكتر واحده احبه في هالدنيا ومو وهو الحب في اني اخاف عليك وافهمك الصح من الخطا ومو معنى تصرفاتهم انهم يحبوك اكتر مني قولت له ان اليحبك مايعطيك اي شي بس عشان يرضيك وهم فعلا يساوو كده والي زاد كمان اكتشفت انه يشتكي مني لعمه وعمه يقول له لما تزعلك قول له لا تساوي كده ويحرضه كمان انه يشتكي لابوه مني والله ابغى اموت انا فنيت عمري عليه حملت فيه وعمري 16 سنه وكنت راح اموت في الولاده ومن يوم ماجا وهو اهم شي في حياتي حتى دراستي تركتها الين كبر ودخل المدرسه عشان لا اهمل فيه والله اكتب وانا ابكي نفسيتي تعبت من ده الموضوع وعمه كمان حسبي الله عليه اشترى له جوال طبعا عشان ينفرد بابني ويعرف كيف يحرضه عليا طبعا انا خبيت الجوال لكن ابني مايعرف يحسبه ضايع في البيت طبعا اذا عرف اني رافضه انه يكون معاه جوال راح يكرهني اكتر واكتر عمه يحبه ويتعامل معاه على انه كبر وانا الام الشريره الترفض كل طلباته انا مو رافضه الجوال بس عشان حركات عمه عشان كمان انا خايفه عليه طفل قده ليه يمسك جوال انا تعبت مت ده الموضوع كيف اعرف اتفاهم مع ابني وايش تصرفي مع عمه مع العلم انه هو في بلد واحنا في بلد اخر بس هو يبغى كل يوم والتاني يجلس مع ابني عالنت يعني من ايميلي افتح الخط ويجلس يتكلم معاه وكنت اساوي كده اقول عشان الله لا يحاسبني باني احرمه من ولاد اخوه بس حسبي الله عليه ماقدر خوفي فيه من الله دبروني ايش اساوي امانه تساعدوني