السلام عليكم
شلونكم وشخباركم؟
عساكم بخير
حبيباتي لاحظت في اكثر من موضوع عن التبييض والبشره وغيره انه يدخل في المكونات كريم (كيناكومب) وحبيت انصحكم تبتعدوا عن هذا الكريم كثر ماتقدرون انا كنت استعمله للمنطقه الحساسه للألتهابات وغيره وامي وصاحباتي وكلنا كنا طايحين فيه طيحه لحد ما شفت ابن صديقتي والله العظيم يابنات ما كذب عليكم ولا لي مصلحه من هالشي غير اني احذركم ولأني احب لكم الخير.
صديقتي هذي الدكتوره كتبت لها الكريم عشان تستعمله لأبنها في مكان الحفاظ لأنه تعرفون الأطفال شيصير لهم المهم هذي المره حطت منه وشافت انه مفعوله سحري وصارت تحط منه على طول بعدين لاحظت انه الولد قاعد يطلعه شي نفس الكلف وينتشر ويوم راحت للدكتوره سألتها شتحطينله وقالت ماحط شي الا هالكريم وانجنت الدكتوره وقالت لها هذا مايصير تستعملينه لفتره طويله بالكثير 4 ايام وتوقفيه كم شهر اذا بتستعملينه مره ثانيه ومو اكثر من 4 ايام متواصله. وورتني بطن الولد مسكين يعور القلب كلف بس بقعه كبييييييره على كل المنطقه والبطن.
وحتى لو تقرون الورقه اللي معاه مكتوب فيها تجنب استعمال المستحضر لفترات طويله وانتوا تستعملونه يوميا لوجهكم وللأبط الله يهديكم. لأنه الكريم فيه كورتيزون
واللي تكتب خلطه او وصفه لازم اول شي تجمع معلومات عن كل شي وتتأكد وبعدين تكتبه لأنه لاسمح الله اي شي بصير باي وحده ذنبها بكون برقبة كاتبة الموضوع
انا قطيته وصرت ما استعمله
اللهم اني قد بلغت اللهم فأشهد
يلزم عليك تسجيل الدخول أولًا لكتابة تعليق.
gaamra
•
صادقه اختي انا اعاني من حساسيه في اليدين بسبب الغسيل والكنس ووو ومن زمان استخدم هالكريم ولاحظت اصابعي صارت غامقه شوي صار الكريم هو السبب
الله يجزاك خير على حرصك ودمتي
الله يجزاك خير على حرصك ودمتي
الصفحة الأخيرة
يتكون من عدد من المكونات ومن ضمنها الcorticosteroid
وبعنى ثاني احد مشتقات الكورتيزون اللي لازم يستخدم 4 ايام اذا متواصل
او 15يوم بهذا الترتيب
اول اسبوع :مرتين في اليوم
ثاني اسبوع: مرة في اليوم
ثالث اسبوع: يوم بعد يوم
والأفضل الابتعاد عن استخدم اي دواء الا باستشارة واستخدام الأشياء الطبيعية
ومشكورة حبيبتي على الوضوع القيم
تحياتي