مشكورين خواتي على الردود الي اسعدتني
اعتقد ان محل راح يطلع ربح زين في فترة الاعياد والاجازات
هالمشروع راح انفذه ان شاء الله اذا تخرجت(يعني بعد ثلاث سنوات) الله يصبرني على طول هالفترة
مع تحياتي لكن
أختي رهف المشاعر
بالنسبه للمحل إللي تتكلمين عنه بكلمج عن تجربت أخويه وهو فاتح محل في منطقتنا والحمد لله ماشي وبقولج شو مسوي:
هو تخصصه كمبيوتر راح وعمل ديكور فخم للمحل وبصراحه كلفه وايد..... واطلب من رسام يرسم له على الجدار رسومات بس تكون ألوانها فوشيه؟؟؟؟ ليش!!! لأنه طلب يكون لون الجدار باللون الأسود والإضاءه خافته فتلمع الرسومات جذيه...ورسم التالي: خيول تركض من بعيد ومتزاحمه مع بعض وإللي يشوفها على باله يايه صوبه
رسم صور هياكل عظميه وأشباح وبعد سيارات وكلمات غريبه.....إلخ
بعدين راح وياب كبدايه 4 كمبيوترات وربطها بالكمبيوتر الرئيسي .... وعنده ربيعه موجود في روسيا ويورد له أحدث ألعاب الكمبيوترات النازله عندهم ومش موجوده في الإمارات ...... وحط رسوم اللعبه ب5 دراهم للساعه وعمل كلمه مرور لزباين الدايمين للمحل وبعد سوالهم شفره خاصه بهم من خلالها يقدرون يحطون لهم رصيد كل ما خلص ..... قولوا ما شالله
والحمدلله ماشي أحسن مايكون ..... والمحل جاذب الكبار قبل الصغار ويقولي أنهم يتظاربون فيما بينهم.... فقام وزاد عدد الكمبيوترات إلى 8 وسوى نفس النظام ..... والله ايسرله أموره ....
و****لله أكون أفدتج....
هالنوع من المحلات فعلا منتشر بالكويت وربحه حلو بس يبيله مجابل وتفرغ
وبعدين ترى اليهال وايد يخربون الالعاب وجذي فبتصير عليج مصاريف التصليح والصيانه
غير انه لازم تتوقعين ان الديكورات بتنتلف بعد
لان هذولي يهال بيشخبطون وبيحفرون الخشب بمفتاح او بأي شي حاد خصوصا اثناء الانتظار
يعني دام انج بتتعاملين مع يهال توقعي مصاريف صيانه وايد موشويه
واذا عندج استعداد ليش لأ
مشروع حلو والله يوفقج
لا تحمل عقدة المؤامرة, ولا تفكر في تربص الآخرين, ولا تظن أن الناس مشغولون بك, فكل في فلك يسبحون


الساعة الآن 07:17 .