علي فكره تسلم ايديكي بس البتنجان مش داخل في الحلويات والكشري كمان.

ويا مصريه الاخت اوشن قصدها من ضمن الاكلات المصريه الكشري بس علي فكره يا بنات احنا بقي المصريين مبنعملش الكشري ده كل يوم دا لما نكون زهقانين من اللحمه والفراخ والسمك والحمد لله وكل الاكل نعمه .
غلاي بالجنوب بس كده انت تؤمري هحطلك طريقتها حالا وهتعجبك قوي في الشتا.

بصي يا ستي تجيبي الحب او الهريس وتنقعيه شويه بتاع 4 ساعات في الميه وبعدين تحطيه علي النار ومعاه ميه كتير وتسبيه يغلي او ل ما يغلي توطي عليه وتسبيه لحد ما الحب يفتح خالص وينزل نشاه وكل ما الميه تقل زوديه حاجه بسيطه وبعدين في الاخر سيبي الميه تقل وحطي كيلو حليب عليه كوبايه سكر وشويه فانليا اول ما تغلي اطفي عليها وبالهنا صبيها في كوبايات ولو عاوزه تضيفي مكسرات ضيفي علي فكره مغذيه جدا للاطفال ونسيت اقولك الحب يبقي كوبايه بس عشان بيكتر
تسلمووون ع المرور


الساعة الآن 11:18 .