السلام عليكم ورحمة الله وبركاته

حبيباتي الغاليات اليوم سويت لزوجي عشاء متواضع وحبيت أوريكم وأخذ رايكم

هو مندي او مظبي حمد لأحدى الخوات ربي يرزقها الجنه ماأذكر إسمها

الموهم هذا هو بالشرح المصور


نجيب قدر الضغط ونرص شرايح بصل طبقه أو طبقتين أنا حطيت طبقتين علشان مايلزق

البصل بالقدر ومايجي فوق الدجاجه إذا قلبتها



تم نتبل الدجاجه بملح وكركم أو صفار الزعفران أنا إستخدمته



ثم نحطها بالمقلوب فوق البصل



ثم نضغطها بدون إضافة اي شي لاماء ولا غيره ولاتقولون بيحترق إذا وطيتي النار ع الأخر

ماراح يجيه أي شي وإحسبي 12 دقيقه طبعا الدجاجه تكون منقعه ولينه تماما من الثلج

وعلى بال ماتستوي نجيب الرز على حسب العايله عندك أنا وزوجي بس إثنين

ربي يرزقنا الذريه في القريب العاجل قولوا أمين

الموهيم نغسل الرز في قدر خارجي ونحط عليه عود قرفه و5 حبات هيل ومكعب ماجي

ثم نسلقه نصف سلقه وهذا شكله بعد السلق وتحطين عليه قطعتين صغيره زبده وتحركينه انا نسيتها فأضفتها

وقت التبخير



ثم تكون الدجاجه استوت وفتحنا عليها شوفوا فيها مويه بنيه طلعت من الدجاج والبصل وهذي سر النكهه


نكب الرز ع الدجاجه ونساويه ونرجع نضغطه على نار هاديه3 دقايق علشان يستوي كويس وياخذ طعم البصل

ثم نفتح عليه ونحط شويه لون زعفران في فنجان مويه ونصبه ع الرز في اماكن متفرقه ونجيب فنجان ونحط فيه

جمره ونصب عليه زيت ونبخر الرز ونكتم عليها علشان ياخذ النكهه

ونفتحه ونحرك الرز من فوق بس علشان تختلط اللون مو نحرك الدجاجه لا بس الرز تحريك خفيف واذا شفتي انه ناشف حطي زبده وحركيه

وهذي النتيجه


قولوا ماشاء الله تكفون


من قريب لتقطير السعابيل ههههههههههههه





وعليكم بالعافيه وربي لذيذ زوجي انهبل عليه وقال بعزم اخواني

وسويه من جد يبيض الوجه وسلامتكم

تكفون طلبتك لاترد علي وحده إلا بدعوه لي بالذريه الصالحه في القريب العاجل

محتاجه دعاؤكم
10-02-1431 هـ, 01:36 صباحاً
 

4.95

عدد التقييمات: 82
5
98%
4
3
2%
2
1
ماشاء الله تبارك الرحمن تسلم الايادي شكله روعه الله يحميك ياقلبي ويرزقك الذريه الصالحه عاجلا غير اجل
10-02-1431 هـ, 01:42 صباحاً
 
مشاء الله تبارك الرحمن...شغل روعه...جاااري التطبيق...

الله يرزقك يارب بالذرية الصالحه الطائعه الذاكره لله...والباره فيكم...

وتساهلي خمس نقوووووووم
10-02-1431 هـ, 01:42 صباحاً
 
الله يرزقك ياقلبي

مشاءلله رووووووووووووعه
10-02-1431 هـ, 01:49 صباحاً
 
ماشاء الله روووعه والله يرزقك الذريه الصالحه يارب
جاااااااااااااااري التطبيق
10-02-1431 هـ, 01:51 صباحاً
 


الساعة الآن 05:48 .