جربي تهدينه ملابس بيت يعني شورتات وكذا سوالف حلوة مع العطر
15-07-1425 هـ, 06:44 مساءً
 
أخواتي بالله تحية كبيره لكل وحده اهتمت بالموضوع وبصراحة فرحت بفكاركم الحلوه
إلى الورده _1 أشكرك من كل قلبي
Light 410 مشكوووورة حبيبتي على ترحيبك وانا اكثر من سعيده بكلماتك الطيبة
Moon 77الحقيقة وسعتي آفاق تفكيري وعطيتيني أفكار حلوة خاصة المكس ما كانت على بالي
عفريت مشكوره حبيبتي افكار حلوه كأنك عارفه اني احب هالسوالف و***** الله اتواصل معاج
** شعشبونة ** اشكرك على مشاركتك وفكرتك الحلوه
بس وينكم وين أفكاركم بكيف وشلون اقدم الهدية ؟؟؟؟؟
سواء بالبيت
او احتمال نسافر يعني( بفندق )
ناطرتم
16-07-1425 هـ, 12:17 صباحاً
 
مرحبا عيقورة
بالعكس ميزانيتك مرررررررره حلللللوة وتقدرين تستفيدين منها في أشياء كثييييييرة وتسوين فيها حفلة بعد
شلوووووووون ؟؟؟؟؟؟؟؟ أنا أقول لك شلووووون
شوفي حبيبتي اشتري له مجموعة استحمام من بودي شوب أو زهور الريف ولو عندكم ماركة مكياجي منزلين مجموعة استحمام مررررررة رااااقيه وأسعارهم حلوة ما تغلى عن 100 ريال سعودي ومرتبهم بشكل يجنننننن
وبعد نكتار عنده مجموعة رجاليه حلللوة ويرتبهم لك بالشكل اللي يعجبك ولا بعد مجانا
هذي 100 ريال راحت في الهديه ممكن تاخذين له خاتم فضة نعوووووووم يكشخ فيه قدام ربعه ويذكرك فيه دووووووووم ماراح يكلفك 100 ريال هذي 200 راحت وش بقى لنا ؟؟
بقت 200 طيب اشتري مفرش سرير حلو مو شرط يكون غالي أهم شي شكله راقي اشتري كيكه حلوة شكلها يعبر عن المناسبة مكتوب عليها عبارة حلوة وخذي لك شموع من بو ريالين واكسسوارت حلوة من عنده بعد تغيرين بها جو الغرفة غير الديكوريشن تبع الغرفة يعني السرير غيري مكانه جيبي كنب من الصاله وحطيه في زاوية وجنبه طاولة عليها مفرش حلو رتبي عليها الكيكه وحوالينها كاسين عصير ومنتدى المشروبات ماقصر في الحركات في فن تقديم العصير بردي الغرفة وبخريها وعطريها وسكري الباب
روحي لغرفة الجلوس أظيفي لها سجاده غير وأبجورات حلوة وبخريها وعطريها وبرديها كمااااااان طبعا ممكن تحطين شريط أصوات بحر وعصافير ورياح تعطي جووووووووو إنمااااااااا إيه
طييييييييييييب !!!!! شلووووووووووون تقدمين له الهديه ؟؟؟؟؟؟؟؟
أنا برأيي تحطينها على السرير وتحطين حولها على شكل قلب الأنوار السلك أتمنى تكونين فهمت فكرتي
وتوته توته خلصت الحدوته إيييييييييه نسيت أقوووول لك لا تنسين نفسك غيري من تسريحة شعرك اللي متعود عليها ولبسي لبس حلو أذكر مرة في أحد الحفلات لبست بلوزه مطبوع عليها صورة الحبيب مع تنورة قصييييييييييره كانت مفاجأة ولا أحلى
الله يتمم عليك بخير ويجمع بينكم في خير ويرزقكم رضاه وعالي جنانه اللهم آااااااااااااااااااااااااااامين
أختك
أم همس
16-07-1425 هـ, 02:19 صباحاً
 
فكرة عيون احمد حلوه

انا دوم اسوي نفس هالحركه


وبعلمك بطريقه حلوه سواها لي زوجي مره يوم كان جاي من السفر

انا دخلت الحمام الله يعزكم

وهو ماشاء الله عليه في هالاثناء ضبط لي حركه حلوه

الهدايا اللي جايبها لي كلهم مغلفهم و حاطهم لي من عند باب الحمام الى اخر الغرفه

يعني خلاهم في خط مستقيم 00 يعني انا امشي و القط

اللي نفعه انه مغلف حتى الهدايا المجانيه اللي معطينا اياها

كل شي غلفه لانه حاط هالفكره اباله


يعني الاربعين دينار لو شريتي منهم كذا شي سوي هالحركه له وايد حلوه ترا


ولاتنسين تطلبين المحلات الهدايا المجانيه ههههههههههههههههههههه يعني اذا شريتي عطر اطلبيهم سنابل و غلفيهم


تحياتي لك
16-07-1425 هـ, 04:04 صباحاً
 
جيبي له ملابس للبيت كم شكل يعني خليه يفتح الكيس ويطلع اشكال والوان من لبس للبيت ..وكل مالبس شورت أو بجامه انبسطتي
ـــــــــــــــــــــــــــــــــــــــــــــ
ممكن تهدينه مخده طبيه ينام عليها يعني جيبي ثنتين وحده لك ووحده له
ـــــــــــــــــــــــــــــــــــــــــــــ
ممكن آلة حلاقه من النوع الجيد+ رغوة الحلاقه وعطر مابعد الحلاقه
ــــــــــــــــــــــــــــــــــــــــــــــ
مممكن مخدات للسياره + تعليقه معطره لسيارته
ــــــــــــــــــــــــــــــــــــــــــــــــــــ
ممكن بخور حطيه بعلبه وخليه خاص بسيارته قوليله هذا بخور للسياره جايبته لك هديه
ـــــــــــــــــــــــــــــــــــــــــــــــــــــ
ممكن تروحين يو مارك وتشوفين شي حلو على قد ميزانيتك .. كآلة مساج أو اي شي عندهم حلو ترى يو مارك عندهم أشياء تصلح هدايا
ـــــــــــــــــــــــــــــــــــ
ممكن تروحين للمكتبه وتشترين : كتاب خاص مثلا بتربية الحيونات ، وكتاب خاص باالأهتمام باالديكور ، وكتاب خاص بطريقة تعاملك مع مديرك في الشركه ، وكتاب خاص بـ كتابة الرسائل بااللغه الأنجليزيه ، وكتاب خاص بـ كيف تكون مميزا ، أو كيف تكون واثق من نفسك ....الخ
المكتبه تجنننن فيها كتب جذابه ومتنوعه ممكن تغلفينها بعلبه وتهدينه اياها مع عطر حلو
ــــــــــــــــــــــــــــــــــــــــ
أو اذا كان متين وله كرشه جيبي له هذا اللي يجي في الدعايه اسمه(مقريفيت) موجود باالصيدليات وهو برنامج كامل للرجيم (يجي معاه كتاب خاص باالوجبات الخفيفه وحبوب مانعه للشهيه ...الخ باالمره حلو
ــــــــــــــــــــــــــــــــــــــــــــــــــــــــــــ
17-07-1425 هـ, 07:35 مساءً
 


الساعة الآن 07:37 .