اللي تعرف طبيب شاطر يكون استشاري في عمليه تجميل الانف في الرياض في اي مستشفى سواء اهلي اوحكومي لانه بنت خالتي الانف عندها مكسور من زماااااان وتبي تسوي عمليه تجميل قبل زواجها تكفووووون ضروري لازم يكون مجررررب

للاسف ودي اساعدج بس مااعرف احد بالرياض بس دشي قسم السمنه والنحافة
في موضوع عن عمليات شد البطن والشفط في بنات سعوديات حذروا من اكثر من دكتور واكثر من مستشفى
راجعي القسم قبل لاتطيحين بواحد منهم

واذا البنت اللي بتسوي العملية تقدر تجي الكويت ترى في دكتور فرنسي يزور الكويت شهريا يزور مستشفى المواساة
وانا مسوية خشمي عنه ممتااااااااااز وعمليته مضبوطه ماشاء الله 100%
انا كان فيني انحراف بالحاجز الانفي ومثل كرة بمقدمة الانف
صلحلي الانحراف وشال الكرة والحين شكل خشمي احلى مليون مرة
والعملية مافيها الم خير شر
انسي انه فيها الم
وصارلي سنه وشهرين من سويتها والحمدالله ماكو اي مضاعفات
ماتوقعت العملية بتكون سهله جذي
وكلفتني 2000 دينار تقريبا 26000 ريال او اكثر شوية

قوليلها اذا تبي خل تتصل بمستشفى المواساة بالكويت تسالهم متى بيوصل
وترى الكويت موبعيدة عنكم وعالاقل دكتور شاطر ومجرب ومضمون
واتمنالها التوفيق ان شاء الله
لا تحمل عقدة المؤامرة, ولا تفكر في تربص الآخرين, ولا تظن أن الناس مشغولون بك, فكل في فلك يسبحون
تسلميييين ياعيوني و**** الله تكلمه وتجي للكويت تسويها اذا على كلامك مضموووونه وانا من الكويت بس هي لا عالعموم الله ينولك اللي ببالك حبيبتي** من جد ماقصرتي **
العفو حبيبتي حياج الله واتمنى انها تسوي العملية وتكون نتيجتها مثل ماتبي
لا تحمل عقدة المؤامرة, ولا تفكر في تربص الآخرين, ولا تظن أن الناس مشغولون بك, فكل في فلك يسبحون


الساعة الآن 04:22 .