اخواتي العزيزات انا حبيت اليوم انزل لكم بعض الصور اللي بجهازي
لحلويات عاد يله لا يفوتكم شغلي == ياأنا فاشلة في المقدمات بشكل
اولا هذا معمول البف باستري لقطته من مدونة أم الذرابة هو الصراحة سهل
ويفك أزمة
أما هذا حلى الاناناس الكذاب قصته قصة انا والله كنت اذكر بالثلاجة بسكويت سمسم
عاد لما صارت الطبقة الأولى بالفرن خلاص اكتشفت ان شغالتي مهاجمته وماخلت غير 7 حبات
المهم دبرت عمري
هذي عاد بسبوسة طواري اللي بدون توفي لذيذة مرة وانا مير اعتمدتها رسميا في كل قهوة ارزها
ومع ذلك ومع كثر ماسويتها مايبقى منها شي الله يوفقها يارب وكنت مسوية معاها وردات البف باستري
أحم احم نخش سوا في الثقيل
هذا ياطويلات العمر على الطاعة مرة عزمت صديقاتي وكذا فجأة طلعت فكرة البوفيه
كله وربي شغل يديني بسم الله علي عاد قولوا ماشاء الله
وحدة مرة واثقة انها مسوية معجزة
كنت مسوية ورق عنب وورق ملفوف وسلطة كنتاكي ==ماحبيت اكثر سلطات لأننا
نلعب على مين مااحد ياكلها
وبرضو عملت معاه كبة وتورتيلا حشيتها لحم هامبرجر وكرات البطاطس واعشاش الشعيرية
ورولات الباذنجان وصينية مشويات عبارة عن كباب وكفتة وفيليه سويت بصل شرائح وقلبته بالزيت والفلفل ثم حطيته في البايركس الكبيرة وصفيت المشويات فوقه ورشيت عليه سماق
ودخلته بالفرن مع العلم اني استخدمت ماركة الكبير من جد لذيذة وكانها شغل بيتي
وبوفيه الحلى كان عبارة عن تشيز كيك ام حمودي وتشيز كيك الاوريو
وشوكولاته سايلة مع فراولة ومارشملو
تشيز كيك ام حمودي منزلة له تطبيق وطعمه خيالي
اما تشيز كيك الاوريو
لازم لك 36 حبة اوريو يعني 6 باكيتات كسريها واخلطي 2دريم ويب
مع بيالة حليب بارد واخلطيها اذا ثقلت حطي عليها قشطة واخلطي ثم
صبيها على الاوريو اخلطي بملعقة و بعدين ضعيه==لاحظوا المكس بين
حطي وضعي المهم حطيه بصينية تشيز كيك انا استخدمت الصغيرة
وزينيه بمكسرات انا استخدمت كاجو وفستق ودخليه الفريزر وثم عند التقديم
شخبطي بالهيرشي وهذا احلى شي الشخبطة توسع الصدر== نصيحة الحلى هذا لايفوتكم
عاد اذا ودك تتأملين الصور زين ارعصي عليها وسوف ترينها جيدا