Analysis Services
أنا لمن أكون مستعجلة وبنفس الوقت مالي خلق لطبخ
على طول أسوي رز ابيض بعدين أقطع الدجاجة صغار وأقطع حبتين بطاطس ( حسب الأفراد )
واكشن البصل والطماط وأحط الدجاج والبطاطس وشوية موية مو كثير عشان يطلع مسبك
وبس حطي الرز بصحن والدجاج بصحن ثاني ممكن يناكل مع الرز أو الخبز وممكن تقطعي معاه سلطة عادية
وأوقات أسوي ملوخية بالدجاج مع الرز الأبيض برضو سريعة خصوصا اللي تجي مجمدة ماتاخذ معك وقت
وممكن تسوين كبسة مكرونة يعني بصل وطماط والدجاجة مقطعة تطبخ عشر دقايق وبعدين حطي عليها المكرونة وأفضل الطويلة
وسوي معاها شربة عدس مافيه اسرع منها أو أي نوع شربة تفضليه وسلطة زبادي
وبالعافية على قلبك هذا اللي في بالي حاليا ..
12-02-1431 هـ, 01:43 صباحاً
 
رفع
12-02-1431 هـ, 02:23 صباحاً
 
حبيت اثري الموضوع فيه طريقة الخبز المفرود العادي يدهن بالجبن السايل ويرش عليه زعتر
صح انتم تتكلمون عن الغداء للي يبون يختصرون تقدرون يوم بألأسبوع تسوون أيدام وتكثرين الكميه يكفي لباقي الأسبوع بس بشرط ماهو كل يوم تشيلين هالقدر الكبير وتسخنينه لا خوذي علب بلاستك لها غطا اوقصدير زي اللي عند المطاعم ووزعيه وحطيه في الفريزر وطلعيه الصباح وسخنيه وقت الغداء ونفس الشي بالنسبه للمصقعة والمحاشي اذا صرتي فاضيه سوي كميه كبيرة ووزعيه
12-02-1431 هـ, 03:01 صباحاً
 
ياحبيبتي الصواني كلها ماتاخذ وقت

مثل قطعي بطاطس وكوسا واي خضار تحبينه حطي عليه دجاج شرايح او دجاجه قطعيها اثمان على هواك وبالخلاط الكاس حطي صلصه وثوم وبثل وبهارات وشوي مويا وممكن زبادي
وصبي الخلطه على الدجاج وحطيها بالفرن لاحد ماتستوي وحمريها من فوق اذا خلصت ومعاها رز ابيض
12-02-1431 هـ, 03:21 صباحاً
 
ممكن تسوين بعجينه العشر دقايق بيتزا في صينيتين كبار وتحطين عليها اي حشوه موجوده عندك
مرتديلا او نقانق اوحتى تونه مع الصلصه والخضار والجبن
او ممكن جريش سرررريع ..تحمرين البصل في زيت في قدر الضغط ثم تضيفين كاس جريش وكاس
رز مصري ..ممكن تزودين الكميه ..وتضيفين كميه الماء المناسبه مع ملح وفلفل اسود وكمون وحبنين
ماجي وتضغطين عليه سبع دقايق ثم تفتحين القدر وتضيفين اللبن حسب الكميه المناسبه ويترك قليلا
ليمتزج الطعم ..وطبعا تعملين الحشوه بصل تحمرينه مع ملح وفلفل وليمون اسودمطحون وكمون وشوي زنجبيل
وشوي قرفه وتغرفين الجريش وعليه البصل والسمن او زيت الزيتون وتمتعي باسرع والذ طبق
للامانه اخذت الطريقه من الاطباق المجربه نسيت اسم العضوه جزاها الله خير
12-02-1431 هـ, 04:09 صباحاً
 


الساعة الآن 08:57 .