من كنت طفله واخواني تستهويهم مشاهدت المباريات وبشغف ولاني كنت اصغر اخواتي ولان ايضاً اصغر القوم خادمهمـ
فكانوا يخلوني معاهمـ وعندهمـ واجيب لهمـ طلباتهمـ من جوات البيت بحكمـ جلستهمـ بالاستراحه تبع البيت
وكانوا يحمسوني معاهمـ للمباراة كل واحد يبيني ع حسب ميولــه
واخترت الهلال .. وحبيته من قلب وصرت مثلهمـ وزود .. لين كبرت وهالميول الكروي والمتابعه مستمره ..بس كنت مستحيل العب كورة واجري وراها اخاف خخخ
وكنت اتضايق اذا خسر الهلال واحيان ابكي .. والوالده الله يحفظها تتحمد علي وتقول
ماانتي مستفيده بشيء ومااحد بيدري عنك شجعتي ولا قعدتي خخخ
وبعد ماكبرنا وتزوجنا قل الاهتمـــام بمتابعة الكوره الجلده المنفوخه وبقوه بعد ..
بس من سألني قلت هلاليه لو مااتابعه بس يهمني يكون متصدر دائما والفوز حليفه .. والله يوفق جميع الانديه لكل خير
معهمـ كلهمـ وضدهمـ كلهمـ ..
- معاهمـ كتنافس وكارياضه .. وحماس ووناسه وتحديات وإصرار ع الوصول للنهايه والفوز والتتويج بالبطولات
- ضدهمـ كاتصاريح مسيئه وتعصب وتجريح وقطع الارحام وتشتيت شمل وطلاق وصرف مبالغ طائله ع الهامش للاسف ..
المهم قبل اسبوعين سويت كيكه ع السريع واهديتها اخواني وصورتها
المقادير
طحين ارامكوا ( كيك المخابز )
بكت دريم ويب
قشطه
عجينة المارشملو
الطريقه
بعد خلط الطحين بالماء فقط وجعل قوامها كريمي وضعتها بصينيتين للتشيز كيك
ندخلتها بالفرن وبعد نصف ساعه ..تم النضج تركتها لمدة ساعة حتى بردت وبعدها ذوبت المارشيلمو الابيض
انا اللي عملتها بكميات كبيره ووضعتها بالفريزر .. حتى اذا احتجتها حصلتها لان المارشميلو الابيض لايتوفر بجميع الاماكن .. وبعد تذويبه وضعت عليه كميه كبيره من السكر المطحون والمنخول مع شويات من النشاء
حتى اصبحت عجينه متماسكه وتشكل كيف مانبي ..
عملت كريمة الشانتيه .. بالقشطه وفنجان الماء وغطيت فيها الكيكه ثم لبستها بالمارشيملو الابيض .. وعملت الشعار
بالازرق .. فتحت الجهاز وحصلت كذا شعار .. وخترت اسرعها .. وانتهينا
يتبعـ
والكيكة رشيتها بشوية نشاء حتى لايتغير شكلها ولو طولت مابتذوب
سااتوقف عن الكتابه بالمنتدى لو للحظات لان الفرح اصبح فرحتين
بعدد المشاركات بعالمـ حواء وصرت محررة ذهبيه كلووولووش
وفوز الهلال والكيكه طبعا تستاهل دعمـ من النادي
بكمـ مليون :27:
وبالنهايه اتمنى بكل روح رياضيه تروق لكمـ
ودمتمـ بود