سلام
خواتي بنات عالم حواء
عندي عزومة عشاء يوم السبت وما اعرف شو اقدم حلويات بعد العشاء مع القهوة
ابي رايكم بحيث تكون حلويات كميتها كبيرة علشان تكفي المعازيم
على فكرة ترى عددهم تقريبا 25 حرمة وقاعدة افكر اشلون ابيض وجهي معهم
وقلت ما لي الا بنات عالم حواء ما ايقصرون
بسم الله الرحمن الرحيم
اقدم لكي حلاوة ( حلقات الكيك بالكريمة ) مناسبة للحفلات وسهلة .
المقادير والطريقة في قسم الحلويات,
شرين سكر
هلا اختي قلب البتول 0
الحلى حقي متواضع بس طعمه زي البغلاوه 0
المقادير:
1- كيس شعيريه باكستانيه
نصف اصبع زبده
نستله العلبه الكبيره
الطريقه :
تذوب الزبده في قدر بعد ماتذوب الزبده سكبي عليها الشعيريه بس كسريها قبل ماتحطينها وخلطيهم مع بعص خليها 5 دقايق وانتي تحركينها طفي النار عليه وسكبي حليب نستله قد ماتشوفينها صارت لينه بس لا تخلينها لينه مررره يعني وسط 0

الشكل اخذي علبه الدواء الشفافه وامليها واضغطي تمام وبعدها طلعيها وحطيها في غوالب التزين ورشي عليها فستق 0
أختي قلب البتول

انا حابه اساعدج واخبرج شو تسوين

الله يسلمج من الصبح سوي الحلويات وخليهن ما بيختربن بقولج بعض انواع الحلويات و طرقهن

الله يسلمج اول شي سويلهم الكيك الجاهز بالكريمه والنسكافيه

خذي الكيك الابيض اللي فيه شوية كاكاو وقطعي الاطراف بيكون عندج الكيك شكله مربع

قطعيه بالعرض اثنين بعدين خليهن على بعض وقطعيهن بالطول 3 قصات وبالعرض مره

يعني جنه مستطيلين فوق بعض وبيكون عددهم 12 مستطيل

خذي البايركس وصفي كل مستطيلين فوق بعض وخلي بينهم مسافه يعني ثلاث فوق وثلاث تحت

احين ذوبي ملعقة نسكافيه ويا ملعقتين شكر وماي في كاس وخرسي الكيكات يعني شلي القصه اللي فوق وخرسي اللي تحت وردي حطي اللي فوق وخرسيها بعد

بعدين حطي في خلاط الطماط قشطة ودريم ويب وفنجان حليب نيدو بودره ونسكافيه مذوب في ماء كله مع بعض وصبيهم على الكيكات يعني البايركس والكيكات لونه كله بيج

اوكي

اخر شي خذي شرائح اللوز وحطيهم على الكيكات وبعدين خذي كاكاو النسكويك وحطيه في مشخله ورشيه على البايركس كله بطريقه حلوه وغطيه وحطيه في الثلاجه عقب فتره يوم بتفجينه بتجوفين شكله عجيب

وسويلهم بسبوسه اللي بدون قطر
يكون شكلها مرتب حق الضيوف

المقادير
3 بيضات
كوب روب
كوب سميد
كوبين جوز الهند
كوب زيت
كوب سكر
ملعقة صغيرة بيكنج بودر
قليل من الفانيلا

اخلطي المقادير الجافه مع بعض وخليهن على جنب
اخلطي المقادير السائله
اخر شي اخلطي الجافه مع السائله
حطيهن في صينية اللي قياسها عشرين في 30
ودخليها الفرن من تحت اول ما تلاحظين الاطراف ااستوى لونهم بني بندي اللي تحت وشغلي من فوق لي ما يستوي لونها حلو رشيها بجوز الهند وخليها لمده نص ساعه او اكثر بعدين قطعيهن صغار

وسويلهم كيكة تمر


ورنجينة رطب

شلي نواة الرطب وحطي بدالها فستق
وصفيهن في صحن التقديم
حمري طحين مب وااااايد لي ما يستوي بني فاتح
اخلطيه ويا زيده خليه سائل تقريبا حطيه على التمر
حمصي شوية سمسم ورشيه
حطي شوية قرفه


واذا عندج سوال تراني مستعده


الساعة الآن 06:14 .