عزيزاتي خبيرات التنظيف وخصوصا ربات البيوت لان اللي عندها شغاله ماراح تفهم معاناتي
اللي هي جدران الحمامات اللي تكون بلاط وجدران المطبخ اللي تكون بلاط كيف تنظف
جدران الحمامات كيف تنظفونها من اثار الصابون والغبار من غير فرك يعني ياترى فيه منظف قوي يزيل هالبلاوي من بخه وحده او فيه جهاز مثل مكنسة الكهرب بس ياليت مايكون غالي يعني بحدود ال200 ريال عندي معاناه بجدران المطبخ الدهن والغبار متكدس عجزت من الفرك وحتى مراوح السقف تعبتني
من تقدر تساعدني منكم

بالنسبة لجدران الحمام

انظفها بممسحة السيراميك الجديده اللي طرفها اسفنجي
وتبررررررررررد القلب مااااااااااااااااره

اما عن مراوح الشفط معقدتني مثلك
وافكر اشتري بخاخ اسمه قاههر الدهون ان شاء الله احصله واكتب لكم تجربتي معه
حطي بالبخاخ كلوركس وصابون اي نوع وبخي وامسحي خاصه الجدران
لا اله الا انت سبحانك
بالنسبة لجدار الحمام أخذ الكروانه أعبيها مويه وكلوركس وصابون وبالأسفنجة من فوق لتحت وأفرك وبعدين أشطفها بالموية وأخر شي أمسحها بمنشفه عشان مايقعد أثار للموية ويطلع الجدر يلق لق

بالنسبة للمراوح أخذها أغسلها أول شي بموية حاره بعدين أحط عليها جف وأفرك بالأسفنجة والسلك الناعم لا تأخذي الخشن عشان مايخدش المروحة وبعد ماتنظف أشطف بالموية وأنشفها وأرجها مكانه وتصير ماشاء الله نظيفة ولا أثر من الغبرا ولا غيره

لا تنسيني من دعواتك
ياقلبي بخصوص جدران المطبخ الدهون هاذي يبيلها فرك
استخدمي فيري المذيب بخيه وتعالي افركي شوي وكل شي بيروح بسرعه
الحمام خذي مكسنه يدويه وحطي فيها صابون وكلوركس واغسلي ورشيه بمويه وبعدين حطي على الشطافه فوطه وامسحي الجدران من فوق لتحت




يارب ،، أغسل الهم من قلبي


الساعة الآن 03:19 .