أتمنى التوفيق للجميع
انا عن نفسى بدات مشروع كوكيز وكب كيك ومينى تشيز كيك وبروانيز يعنى مشروع طبخ بس ناقصنى التسويق يعنى عندى طلبات بس الى الان بسيطة
فعلا فكرة التعاون مع بعض قويه وبتفتح باب لكثير من البنات يبدأون مشروعهم واعجبتني جدا فكرة الماسه حلو العمل الجماعي ويطلع نتيجه مبدعه اذا كانت المجموعه جديه وعمليه وتبي الخير للجميع وليس لبروز شخص واحد منهم وانما المجموعه تكون كالجسد الواحد
شكرا ياناني وحبة فيروز على تأييد فكرتي وفعلا المؤمن هذا خلقه لازم يكون مع اخوانه المؤمنين كالجسد الواحد وانا جااااااده جدا في طرح الفكره وتنفيذها لاني متخرجه وبتفوق من عشر سنوات والمدارس الاهليه مهيب طموحي لانهم يحطمون القدرات وجلست في البيت وتزوجت بس ماكتب لي الله ذريه الى الان من9 سنوات وبدأت افكر في عمل تجاري يشغلني والحمدلله اشتريت مشغل والان شغال بس انا احلامي اكبر من كيذا بس رأس المال ماساعدني وانا كنت مقدمه على بنك التسليف ابسوي مركز نسائي كبير لكن ماوافقوا علشان ماعندي رهن عقاري ضمان والى الان عندي امل احقق الحلم لاني يشهد الله اني ابي المصلحه للجميع وابي يكون فيه مكان هادي وراقي ومحافظ على تعاليم الاسلام نتجمع فيه ويتجمعون فيه بناتنا مع صديقاتهم ويكون فيه تسوق ودورات ومحاضرات يعني سعة صدر وفايده وانا اعرض عليكم فكرتي وانا عند كلمتي اني استأجر مبنى مناسب لمركز نسائي كبير واتمم الاجراءات وباسمي كل شي بس ابغى من البنات اللي يبون يستأجرون فيه يصيرون جادات ويصير بيني وبينهم عقود ايجار ويدفعون لي مقدم علشان اقدر اكمل الموضوع كله بعدين يستلمون محلاتهم وبكيذا كل مجموعه ياخذون قسم ويشتغلون فيه واللي تبي الحالها تاخذ محل ويصير عندنا مركز نسائي لجميع خدمات المرأه من تسوق ومن خدمات ومكاتب وانا يشهد الله ان مالي غرض في طرح هالفكره الا اني ابي افيد واستفيد وكل وحده لها الضمانات اللي تطلبها ولو كان عندي راس المال للايجار والديكور كان مادريتوا الاالمركز قائم لكن ابي تعاونكم معي والله يوفق الجميع
يا قارئ خطي لا تبكي على موتي، فاليوم أنا معك وغداً في التراب، ويا ماراً على قبري لا تعجب من أمري بالأمس كنت معك وغداً أنت معي فلا تنسوني بالدعاء، سبحانك اللهم وبحمدك أشهد أن لا إله إلا أنت أستغفرك وأتوب إليك .
نفس اللي عند الكل متخرجين ولا شغلة ولا عمله
الحمدلله من ناحية الهوايات كثيره وحلوة بس مو قادرة استغلها
يعني ارسم -اعمل مك اب لنفسي وللقريب لي-اصمم ملابسي وبرضو لعائلتي- ومسويا صواني لي ولقريباتي-ولي في الطبخ والحلى..........والخ والخ
بس زي مايقووولون سبع صنايع والبخت ضايع
وكذلك التحطيم والتثبيط من الكل ولله الحمد
كل ما فكرت بمشروع الاقي الكل يعيب فيه او ينتقده
بس كلامكم يشجع ويزيد الهمه
وان شاء الله بتشوفون اسمي من ضمن التاجرات عن قريب
بعد مااحدد اتجاهي
استغفر الله




الساعة الآن 05:14 .