السلام عليكم






فديتكم كلكم ،،، ابي طلب صغنووووووون
اعمل القهوة دايم وما تزبط معي ابي القهوة الشمالية ؟
استعمل زعفران الاعماق والقهوة استعمل بالخير
وكلها تطلع غلط فيها طعم مو حلو
حتى الحمص عندي يامحروقة يا نية باقي عجزت عنها
ابي وحدة تشرح بالتفصيييييييل الممل
عشان افهم مزبوووووووط
واذا بالصور ما عندي مانع ياريت القى اجابة واكون لكم شاكرة
الطباخة التعيسة
19-02-1431 هـ, 03:58 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعينك
19-02-1431 هـ, 04:32 مساءً
 
هلا اختي انا من الشمال وراح اشرحها لك اول شي لازم تكون القهوة محموسة صحيح بعدين تحطين الموية في حق القهوة وتحطين معه الزعفران وبس تغلي الموية تحطين القهوة وتكون فنجال ونص وتخلينها على النار لمدة ربع ساعة وبعدين تحطين الهيل نص فنجال وتخلينها شوي وطفي النار وخليها ترتاح شوي وبعدين حطيها بترمس القهوة واذا تبين حطي شوي حليب في الترمس وصبي القهوة عليها ويسلام سلم
19-02-1431 هـ, 04:40 مساءً
 
اول حاجه لازم البن يكون نوعيه جيده مثل بن هرري درجه اولى رقم 2 اوبن خولاني وسط لازم تكثرين البن عشان طعمه يطلع حلو وتطلع القهوه مزبوطه مثلا انا في البراد الاصفر الوسط احط ملعقتين ونص بس مليانه بن واحط بهار القهوه ربع ملعقه بهار القهوه تلقينه في السوبر ماركت او محلات التمور وخليها تغلي 5دقايق وطفي عليها والهيل طبعا انواع اشتري احسن نوعيه وحطي 2ملعقه في الثلاجه وصبي عليها ا لقهوه وتمتعي باحلى قهوه ودعواتك ياقمر
19-02-1431 هـ, 04:53 مساءً
 
يااختي الحبيبه
ودي القهوه الخولاني اوالهرري للمحامص يحمصها لك يكون لونها فاتح
وحطي المويه فالبراد وفنجان قهوه او حسب المويه وحطي وزعفران ملعقه ص زنجبيل وعودين مسمار وعود صغير قرفه وملعقه ص كوفي ميت
وقطعه صغيره شيبه اوشنه واتركيها تغلي لمدة ربع اوثلث ساعه وحطي هيل فالترمس وبهارات القصيم اذا ماعندك زعفران
وهذي قهوه ان شاء الله تعجبك طبقيها وشوفي
وهذي قهوه جنوبيه
19-02-1431 هـ, 04:53 مساءً
 


الساعة الآن 09:58 .