انا مع الاخت ذا بيوتي يعني حاولي تشتغلي باي شي تتقنيه الطبخ او
الاشغال اليدويه حتى الغريبه والمعمول اي شي راح ترتاحي فيه
20-02-1431 هـ, 07:20 مساءً
 
اب
20-02-1431 هـ, 07:22 مساءً
 
الله يجزاكم خير على المصايح00
طيب اش رايكم اجيب ملابس ماركات عالمية من باريس وبعدين ابيعهم00
بس المشكلة اذا الله رزقني وانباعت البضاعة كيف اجيبها مرة ثانية لانه السفر مكلف من تذاكر وسكن وهكذا000
21-02-1431 هـ, 08:03 صباحاً
 
بدل ماتسافري اغلب البنات يعرفون مواقع اجنبية تطلبين الي تبينة وانتي بالبيت
وجالسة خاصة موقع امازون تتسوقين من البيت والي تبينة وبدل السفر وفلوس التذاكر خليها للشحن وبكذا تجيك
البضاعة وانتي جالسة ببيتك ومن ذوقك
وانا بكل صراحة مالي خبرة بهالشي بس ممكن تستفسري من الاخوات ولا راح يقصرون معك
دعواتك لي وان شاء الله اني افدتك
21-02-1431 هـ, 09:01 صباحاً
 
الاكل ماانصحك تفكرين فيه نهائي لانه قلق وتعب على شي مايسوي قيمة الصحن بقيمة اغراضه الي بتسوينها به + كلن من هب ودب صارت تطبخ وتبيع يعني مافيه اقبال الا في حال انك فنانه في الحلويات والتشيركيك ممكن تسوين اصناف باشكال حلوه ومغريه وتبيعينها على محلات الحلويات او تتفقين مع محل انك تعرضين حلوياتك عنده يبيعها والربح نص بنص هذا افضل حل
ترا يشترون اذكر سنابل السلام عندهم كذا

الذهب مو سهل وشغلته شغله لو تبدين باكسسوار وتصممين اشياء حلوه وجديده وتبدين تبيعينها على اقاربك وتعرضينها في النت ومحلات الاكسسوارات بتمشي لين يصير عندك راس مال كبير ابدي في الذهب

وفيه اشياء ثانيه ممكن تجيبين بضاعه من برا من الصين وتايلاند برخص التراب مكياج وملابس وشنط وجزم واكسسوار وتبيعينها
بربح حلو مره مثلا تجيبين الجزمه بعشره ريال بيعيها بعشرين بيجيك دخل حلو مره بفتره قصيره وابدي باقاربك

وممكن لو انتي تعرفين انجليش تحطين لك موضوع والي تبي تشتري من اي موقع اجنبي تشترين له ولك عموله مثلا 100-150 على كل طلب وهكذا

وممكن تشتركين في البازارات اذا انتي في الرياض البازارات كثر التراب بس مااشوف عليها اقبال يسوى لان بضاعتهم مكرره ومافيه جديد + الاسعار نار الا اذا عندك افكار جديده

ممكن لو عندك موهبه تصميم فساتين او موديلات تشترين اقمشه برخص التراب وتصممين فساتين قصيره توبات فساتين زواجات تيورات اشياء سبور وتتفقين مع خياط يفصل لك وله عموله على كل قطعه تبيعينها


فيه مشاريع صغيره كثير بس يبي لها مجهود + راس مال + تحمل العقبات والفشل في البدايه وترمين ورا ظهرك كل التحطيمات والكلام الي يحبط صدقيني لو عندك اراده بتنجحين
21-02-1431 هـ, 09:40 صباحاً
 


الساعة الآن 11:42 .