أيش أقرب طريقه للشيزكيك (كيكة الجبن)الأصلية بأقل تكلفة؟
لأن عندي عزيمه و ما عندي وقت تجارب
جعل من ترد علي الفردوس الأعلى اللهم أمين.
شوفي حبيبتي هذي طريقتي للكيكة اذا بغيت اسوي التشيز كيك سهله ولذيذه
في خلاط الطماطم الكاس حطي بيضه وحده وبيالة زيت وفنجال سكر مليان وفانيلا
وثلاث ملاعق جوز الهند وملعقه بكم باودر وبيالة ماءوثلاث ملاعق طحين اخلطيهم
جميع وصبيهم في نفس الصينيه المتحركه وبعد ماتستوي حطي الخلطه اللي تبين
وزينيها بالتوت الجاهز
قولي أمين يا هقاوي الشوق تبلغين غايتك ما قصرتي
وفيه طريقة للتشيز البارد اللي ما يحتاج فرن بس تخليه في الثلاجه
القاعده:
تسوين قاعدة بسكوت مطحون وافضل الدايجستف تطحنينه وتحطين معه زبده وشوي حليب سايل ولا ملعقة قشطه عشان يتماسك وترصينه زييين في الصينيه المفتوحه من جمب
الحشوه:

تجيبين الخلاط وتحطين فيه
- ظرفين دريم ويب مع علبة زبادي <<== عشان يعطي التشيز حموضه شوي زي الجاهز
- 6 حبات جبن كيري
- علبة قشطه
- فنجال سكر
ملعقه كبيره جيلاتين عديم اللون ( تحصلينه موجود في العثيم ولا بنده جمب انواع الجلي والكريمات وعلبته زي علبة البكنج بودر واحيانا يجي على شكل ظروف وتصير علبته زي كرتون الكريمه كرامل ) <<== طولت السالفه ويمكن تعرفينه ما يحتاج هالشرح
المهم تذوبين ملعقه او ظرف جيلاتين في نص كاس مويه دافي ونحطينه مع الدريم ويب واللي قبل كله
تخلطينهم زييين في الخلاط وتصبينه على قاعدة البسكويت وتدخلينها الثلاجه 3 ساعات تقريبا او يمكن الجو بارد يكون اقل
واذا طلعتيها وحبيتي تزينينها بحشوة التوت الجاهزه او الفراوله
او فيه طريقه تسوين شوي جلي فراوله وتحطين معه ملعق نشا عشان يعطيه قوام زي الحشوه الجاهزه
وبالعافيه
بسكوت مع زبده وشوي قشطه ثم تضعينه في قاع الصينيه ثم في الخلاط اثنين زبادي مع كاس حليب بودره بيالة حليب بوني ونصف علبة حليب مركز واربع كيري ونصف كاس سكر وتصبينه على البسكوت وتدخلينه الفرن حتى يجمد بس حطي الصينيه في صينيه اخري مثل كانك بتحطين حمام مائي بس بدون ماي ودخليها الفرن عشان ماتحترق ثم تحطين الصوص اذا ماكان عندك الصوص الجاهز حطي على النار اثنين ظرف كريمه كارميل مع علبة مشروب غازي اي نوع واحلاها ميرند االفراوله وصبيهاعلى الصينيه اذا طلعتيها من الفرن بالملعقة بشويش حتى لاتخرب عليك ثم دخليها الثلاجه واذا عجبك ادعي لي بس تراعا لذيذه


الساعة الآن 12:18 .