ترى والله ضروري الإهتمام في النفس لاتغلطون غلطتي في حملي السابق
حرصت حرص اللهم ياكافي حتى المكياج ماعاد طب وجهي غير روج بسييييط
ولا مرطبات ولا كريمات ولا شي نهائيا فـ مره رحت لمملكة المرأه أشتري بلايز حمل لي
شافتني وحده من البائعات قالت إنتي شكلك تعبااانه مره كأن عليك طبقه شاحبه
وطنشتها وفعلا بعد ماولدت وصحصحت شوي شفت وجهي وأنا ماره عند المرايه يروووع
كأني مسويه تاان وكان كل من شافني ببداية نفاسي يقول إنتي فيك شي مو طبيعي
إنتبهت لعمري بعد أسبوعين من النفاس وبديت في الإهتمام طبعا إستعنت بمن تساعدني
لحد ماحكيت جسمي بس توبه وش بعده ماعاد أتعودها الحامل تعيش فرحتها وتدلع عمرها

موضوع حلو ومفيد ..وامين على دعوتك حبيبتي الله يرزق كل محرومه ويجبر بخاطرها
انا بدايه حملي الاربع شهور الاولى وحاااااام شديد حتى كنت بطقاق اتروش
بس بعد الشهر الرابع بديت اهتم باكلي عشان اقدر اوقف على رجولي ..انا ضعيفه عشان كذا ماعندي حميه معينه
لكني اكثر من الاشياء اللي ترفع الدم مثل الشمندر والسلطه واشرب حليب وفاكهه ولبن واخذ حبوبي في اوقاتها هذا بالنسبه للاكل والحمدالله احس اني صرت احسن
اما بالنسبه للشعر احط خلطه من راسي وهي حمام زيت براشوت بالاعشاب فتحته وصبيت فيه نص علبة زيت دابر املا بالياسمين
وخلطته وسكرته وقبل كل ترويشه ازيت شعري ساعه او اكثر بعدين اسبح
اما البشره هي اللي صدق بندفع ضريبتها تهىء تهىء<<وجه يبكي بقووه
خصوصا المنطقه الحساسه والحلمات والاباط والرقبه بدت تسمر...بالنسبه للوجه والرقبه والمنطقه الحساسه صرت امسحها بسكينول الليمون وان شاء الله يجيب نتيجه ..وبالنسبه للحلمات ادهنها قبل النوم بزيت جنين القمح يقولون يفتح ويورد نجرب ونشوف
برضه ادهن يدي منه مع جليسوليد لانها انعدمت من غسيل المواعين في هالبرد
هذا جدولي اليومي واحكي لنا انتي جدولك عشان نستفيد
تحياتي للجميع

اهم شي تشيلي جسمك كامل وتتليفي وتتنظفي مزبوووووووووووط

وتسوي تنظيف لوجهك باي طريقه تحبينها <<انا احب المويه المغليه معاه قطع فواكه اسوي فيها حمام بخار لوجهي ممتاازه
وبعد ما تغسليها
تحطين موية ورد ونشاء قناع للوجه

وشعرك رطبيه بزيت السمسم يمدحونه

وبس كل اربع ايام خمس ايام سوي هالحاجات وبتشوفي وجهك وجسمك شي

واهم شي ملابسك اهتمي بنظافتها
والترطيب لجسمك لا تهملينه
بالتوفيق

انــــــــا كـل شهـــــــر اشيـــــل حـلاوه بالصالـــــــون
واشقـر حواجبــــــــي
واحــــــــط قنــــــــاع روب علـى حسـب المــــــزاج
وجسمـــــــي احـط كريـم زبــــــــده الككـــــــــــاو

والمكيـــــــــــــاج لازم احطـــــه ماحــــــب احـد يشوفنـى
وانــــــــا وجهــــــــي اصفـــــــــــر

هلا بكل اللي ردوا ومنهم بنات تجمعي حياكم

حبايبي لازم نهتم بالبشرة والشعر بس المشكله المستحضرات التجميليه نخاف يكون لها اثر على الجنين

ان شاء الله الاخوات يفيدونا من هالناحية


اقولكم نظامي

فالبداية انا موسوسة حتى الحنا خايفه استخدمها

نظامي بسيط

اهم شي عالريق كوبين موية دافية مع الكالسيوم والاسبرين

بعدها بساعه الافطار مع كوب حليب اذا بيض احط معه زيت زيتون بدل زيت الطبخ

احاول اكل فاكهه او اشرب عصير قد ما اقدر غالبا عصيري من المراعي مافيني اعصر
اكثر خضار عشان الامساك والحديد خصوصا الجرجير والخس

احاول ابتعد عن الحلويات قد ما اقدر شايلة هم السكر والسمنة

الشاي والقهوة مقاطعتهم وجميع انواع الاعشاب يدوب نعناع بدون سكر

الخبز يكون بر

بعد العشاء احاول ما اثقل اكل

نجي للبشره

احط اقتعه طبيعية نشاء لوز مطحون موية ورد زبادي اي شي في الثلاجة

يوميا قد ما اقدر قناع عسل بغذاء ملكة النحل يورد الوجة


الموية احاول اكثرمنها

اللي موقفه عنده شعري يدوب زيت اللوز وعافية

وقبل ما أنسى في الليل كوب موية مع عصرة ليمون