السلام على الحلوات
شلونكن صبايا والله وحشتونييييييييي كثير بعد غياب سنه كامله في مصر لظروف معينه"اي معينه حركاااااااااااات"
المهم حبايبي انا عندي زواج انسان عزيز على قلبي
والمطلوب ماعليكم امر اني ابي اللي تعرف محلات اقمشه حلوة وراقيه وهاذي تحتها ثلاث خطوط
ابي اقمشة الكل يتكلم عنها
انا صراحه اشتري الاقمشه من المجد بالنسيم ومن الاندلس بس ذي المره ابي شئ شئ كشخخخخخخخخه عشان كذا كل وحده تقولي اي سوق تروح والمحلات بعد
انا متحمسه للزواج ربنا يتمم بعافيه ...
فيه ناس نصحوني بالجاهز انتو وش رايكم؟
اممممممممممممممم طلب صغنون {انا حاسه انكم ودكم تكفخوني }صراحه انا كنت اخيط عند خياطه بس مدري وش قصتها سافرت مدري انشقت الارض وبلعتا مالها اثر عشان كذا انا ماابي اخاطر واحط اقمشه مكلفه عند ابو هنود يخرب الشغله كلها اللي تعرف خياطين ثقه تعلمني ماعندي وقت ادور


واللي عندها حركات حلووووووة تخليني اتميزبها الزواج تقوللي وانا وربي ادعي لها بالسعاده وان الله يسخرلها زوجها ويهدي عيالها

واللي ماتزوجت الله يزوجها الزوج الصالح اللي يسعدها
انما الأمم الأخلاق ما بقيت فإن همُ ذهبت أخلاقهم ذهبوا
حبيبتي بدون وجع راس روحي للمتنبي القماش والموديل والتفصيل كله من عندهم وفساتينهم رووووعه روحي شوفي موخسرانه شي ***
مرحبا ... صادقه اختي ديما المتنبي حلو وفيه من الى وبعد العليا مول اقمشته روعه واذا تبين جاهز ترى العثيم مول فيه فساتين بالدور الثاني بالمره حلوه وفخمه ... اما عشان التميز فالموضه يالغاليه الالوان الفاقعه واذا الزواج بالرياض انصحك تنقشين حنا اسود يعني حركات منا ومنا لان الحنا مو منتشر بالرياض وبعد حطي في شعرك اكسسوار من نفس اكسسوار الثوب بطريقه ناعمه وتذككري اختي ان البساطه عنوان التميز.. والله يبارك لكم مقدما
(سبحانك اللهم وبحمدك اشهد ان لا إله الا انت استغفرك واتوب اليك )
اذا تبين نصيحتي ابعدي عن الجاهز لأنه مكرر وانا صار لي الموقف وما ودي يتكرر
اما بالنسبه للأقمشه عندك محلات فخمة بس غالية مثل أقمشة منصر العيسائي في الأندلس والعليا مول وفيه أقمشة بن صديق مقابل للفيصلية من الجهة الجنوبيه .....اما الخياطة فماعندي خلفيه لأني من زمان مافصلت
وفيه اقمشة صالح الرماح في العقاريه الثانيه مرررررره حلوه


الساعة الآن 04:54 .