اخواتي هل منتجات ويلتون موجودة في الشرقية وكيف اسعارها رخيصة او غالية واين اجد عجينة المارزيبان وعجينة السكر لتغليف الكيك ؟
بإنتظار ردكم بارك الله فيكم

السلام عليكم ورحمة الله وبركاته

أختي هم عندهم وكيل بالسعودية والوكيل له موقع:
www.cakedecoration.com

بتلقين فيه بريدهم الالكتروني

وممكن انتي تراسلينهم بالبريد الالكتروني وتسألينهم إذا فيه موزع بالشرقية...

أنا كنت أرسلت لهم أسأل عن موقعهم بالرياض بالإيميل، وفعلاً ردوا علي بعد كم يوم...

أما بخصوص الأسعار فهي مقبولة نوعاً ما ... شوي غالية ... يعني مقارنة بأسعارها في أمريكا هي تقريباً زيادة عليها 40%... بس هم ما ينلامون لأن الأغراض ثقيلة (خاصة القوالب) وإنتي إذا بغيتي تطلبينها طلبية من أمريكا راح تطلع لك قيمة الشحن أكثر....

أما بخصوص عجينة المارزيبان وعجينة السكر Sugarpaste فأظن إنك ممكن تعملينها بنفسك... بس يمكن تكون العملية شوي متعبة وما تضبط (مرة جربت أعمل عجينة السكر وما ضبطت)..
حياة يحيى

ممكن موقعهم في الرياض ، الله يرضى عليك

ويرضى عليك

عذراُ أختي همسة ... ما عندي الكوقع بالضبط... وسألت زوجي قال أنه ناسي اسم الشارع ...

بس لقيت لك موقعه كما وصفته إحدى العضوات في موضوع سابق، فقالت : ((الموقع بالضبط في شارع العروبه جنب ثمار قبل تقاطع التخصصي))

وهو كان سابقاً ما عليه لوحة،،، بس آخر مرة نزلت الرياض قبل 10 أيام لقيت أنه حاط لوحة بس للأسف ما تدل عليه (على ما أذكر اللوحة بيضاء مكتوب عليها بالأخضر أو الأزرق : متجر أو محل فلان بن فلان الفلاني... وتحته بخط صغير كاتبين أنه محل لتزيين الكيك)....

بس إذا بغيتي تروحين كثري الفلوس شوي

لأني رحت وكانت "الميزانية ما تسمح" بس اشتريت منهم كتالوجهم اسمه Wilton Yearbook فيه وصفات للكيك + طرق التزيين + عرض لجميع منتجاتهم وهو كان ب37 ريال

وإن شاء الله راجعة لهم مرة ثانية علشان "أكوّش" على المحل... بعد ما يكتمل مطبخي الصغير بإذن الله...
تسلمين أختي من كل شر

جزاك الله خير ، ماقصرتي الله يسعدك

أهم شيء الميزانية ونا أختك

بارك الله فيك



الساعة الآن 06:20 .