مدخل..
]
كوني بنوته توني متزوجه وديرة زوجي بعييييييده جدا عن الأهل
فتصبررررررت
تعبت من ظروف البعد وانا لأول مره ابعد عنهم
ولأني بالأول كنت بنت بيتوتيه ماأحب اسافر بدون أهلي
او ابعد عنهم
حتى لما حجيت أنا وأختي وأخوي
حيييييييل تعبت نفسيا من البعد تخيييلوا رغم أني عند بيت الله الحرام:44:
والله يذكر زوجة أخوي بالخير كانت تقول ..لازم تشمين ريحة امك عشااان ماتتعبين..!!
:time:
المووووهم مالكم بالطويله
كنت لما ازورهم من عيد لعيد اجيب هدايا
من صغيرهم إلى كبيرهم
بس المره هذي غيييييييير
وزيارتي لهم غييييييير
السبب:
أنه وفي فجر يوم الأربعاء 16-11-1430هـ
قعدت من النوم رايحه اصلي وأجهز فطور زوجي لدوامه
فجأه اتصال على جوالي
الساعه 5 الفجر
رحت صليت قلت هذا وحده من خوياتي تقعدني للصلاة
المفاجأه
وانه وانا اصلي اتصال ثاااني بس هالمره طوووول
فزعت وشفت الجوال فإذا امي المتصله
فقلت ...
يابنت وش السالفه يمكن امي مخطيه تبي تتصل بأحد أخواني تقعده
اتصلت فيني بالغلط<<غبيييه..!!
شوووووي وانا افكر الا جوال زوجي يدق ويقوم زوجي بسسسرعه ويرفع الجوال فإذا امي
تبيني
رديت عليه وانا ابي امووووووت رعب
وش السسسسسالفه ..!!
وش صاااير...!!
منو منكم تعبان.!!
أخبرتني أمي انه ودها لو أجي اليوم
انصدمت وماااسكة قلبي
امي صوتها تعباااان
قلت ...ليه وش صاااير..!!
قالت ..لاتخاافين ابوك مرض فجأة وهو الآن بالمستشفى...
طبعا مبااااشره سكرته معاها وقعدت ابكي
تخيييلوا شكلي
زوجي يناظرني ووووش السسسسالفه..وش صاااير..!!
خبرته فطمأني ياعسى عمره طويل:27:
وقال ابشري جهزي نفسك وانا دقايق رايح للعمل وراجع لك
طبعا كلها ساعة بالكثييير و سافرنا لهم
ولكم ان تتخيلون مشاااعري
بكاء طواااال الطريق:icon33:
كنت خااايفه أني ماأشوووفه << الله لايقوووله..!!
وصلنا لأهلي بحمدالله
وتخيلووووا
طلع الوالد منقول لمدينه ثااانيه قبل وصولنا
:icon33:
ارتحت شوي عند أهلي ثم مشينا للبابا كان تعبااااان جدا
بس الحمدلله على قضاء الله وقدره
لطف فينا وعدت الجلطه على خيييير
المهم رجع زوجي وانا جلست اسبوع عندهم لحد مانتطمن عليه
مر الأسبوع وجاني زوجي ورجعنا لديرتنا
ودوامنا:44:
مرت اسابيع كنت اتتبع اخبارهم عن طريق التلفون
وماما ياعساااني افدى مواطيها قلبها علي ّ كوني البعيييده عنهم
نقل والدي للدمام
يوم 28-11
لإجراء عملية بالراس
طبعا اخواني تكتموا على خبر العمليه وتخيلوا لما دريت من جهه ثانيه جن جنوني
والحمدلله انا وزوجي للدمام مباااشره
ابي اتطمن على الغااالي
طلع ابوي من غرفة العمليات ولله الحمد
بس جلس بالعنااايه مدة اسبوع
مايتكلم كثييييير
وكنا نزوره كل فتره بالليل والظهر
جلسنا بالدمام مايقارب خمسة ايام
دخلت العشر الآواخر ومعناته باقي على العيد أيام قلائل
وانا متعوده بالعيد اروح لأهلي
بس المره هذي
لاأهل ولاهم يحزنون
:icon33:
ابوي بالمستشفى وامي واشقائي الكبار عندهم
بيت اهلي مابه الا اخواتي وزوجة اخوي واخواني الصغار ...
وهنا جتني العبره ...
شلوووون اقابلهم واقولهم
..عيدكم مبارك ...وابوي وامي مش هووون..!!
قررت اني اتفادى مواجهتم مادام الحال كذا
فقلت لزوجي راح اعيد لوحدي بالبيت
وماقصر الله يجزاه خيييير كان واقف معاااي
كان صبح العيد يابنات مآساة لي
اغلقت جوالي بحجة مرضي
مو قادره اعبر
او افرح او حتى ابتسم
إن ابتسمت
فإبتسامة الحزيييين والعياذ بالله
مرت ايام العيد كئيبة جدا علي واكيد ايضا على اهلي..
19-12-1430هـ
طلع ابوي من المستشفى
ووصلوا بيتهم ولله الحمد
انا هنا كان عندي دوام ...
واختبارات الجامعه على الأبواب
واخبرتني الماما انو الأفضل أأجل زيارتي لهم لحد مايرتاح ابوي أكثر
تصبرت وصبرت نفسي ..
ونظرا لظروف صحة الوالد
انجبرت اني ماراح اجيهم إلا بإجازة الفصل الأول
اللي هي بعد اسبوع
والآن ...
يوم الجمعه 21-2-1431هـ
ولما نوينا نزورهم قلت يابنت ماراح تروحين ويديكي فاااضيه
لازم اكون متميزه
فقررت اضبط دروع تذكاريه
للبابا وللماما الغالييين
حطيت حق البابا بأسم زوجي
والماما بأسمي
ولي شقيقاتي اصغر مني ثنتين
هداياهم (اكسسوارت+حاملة جوال)
و
عيال اخوي وعيال اختي العاب تناسب كل واحد منهم
\
/
درعي البابا والماما
الماما
هدايا الألعاب
قولوا ماشاء الله تبارك الله
..
و ولدين اعمارهم كذا بالأربع والثلاث سنين
وبنوته عسسسسل صغيرونه<<هذي كلت قلبي ربي يحفظها..!!
أختي لها ولدين تؤام بثاني ابتدائي
وبنوتتين صغاااار..]
يعني طلعت روووحي وانا اجمع لهم وانسق لهم الألعاب بالتسااوي
<<احم احم ..!!
\
/
...ييييييتبع ...
الله يخليلك ابوك وامك ويطول بااعمارهم يارب