اختي انا طريقتي بالروبيان دائما تعجب زوجي واصحابه ..والطريقه بسيطه جدا

افرم راسين بصل ناعما واقليهم في القليل من الزيت حتى يتحمر ثم اضيف فوقه الروبيان واضع فوقه ملعقة شاي ملح واتركه لمدة ربع ساعه على نار هادئه واغطي المقلاة ..بعدها راح تشوفين يخرج ماء من الروبيان ترفعين النار حتى ينشف الماء وبعدها تضعين ملعقة كوب كاري ونص ملعقة كوب ليمون اسود ..وتقلبيه حتى يحمر ..صدقيني طعمه يصير لذيذ

وطبعا العيش تسوينه بروحه ..بالطريقه العاديه وتحطين له لون اصفر من فوق فقط ..
بعدمايستوي الرز تحطينه في صحن وتحطين فوقه حمصة الروبيان وتقدميه مع السلطه والليمون
25-07-1425 هـ, 02:44 صباحاً
 
ياليت اقدر اساعدك علشان دعوتك اللي تشرح الصدر0 بس انا ما اكله اصلا لكن الوالده تسوي النوع الكبير من الربيان تغمسه بثلاث مقادير اولها البيض بعدين الدقيق مع البهارات واخيرا البقسماط0 يارب تلقين الطريقه المناسبه
25-07-1425 هـ, 06:29 مساءً
 
اهلين اختي انا من فترة قريت لوحدة من الاخوات طريقة للروبيان

رهيبة تجنن جريتها وصراحة ضبطة 100%


وراح ااحط لك الرابط وان شاء الله اني اكون ساعدتك اختي

بس لاتنسين تردين علي تعلميني وش صار معك في ذا الخلطة الرهيبة............



طريقة للروبيان والسمك
26-07-1425 هـ, 01:37 صباحاً
 
السلام عليكم ورحمة الله وبركاته
هذي طريقتي مع الربيان اتمنى تعجبك وعلى فكرة كل من ذاقها سألني عن طريقتها
اول شئ تجيبي الروبيان تنظفية وتقشرية وتتركية في ماء وملح 3 -5 دقايق مو اكثر بعدها تغسلية بماء نظيف
انقعي الروبيان في ( عصير ليمونة وفصين الى ثلاث فصوص ثوم وذرة ملح وذرة بهارات ) ليلةكاملة واذا حبيتي اكثر شوي مو مشكلة ولاتنسين تحطينه ينقع في الثلاجة
تحضري في طبق دقيق ابيض وتحطي علية ذرة ملح وملعقة صغيرة بكنج باودر وملعقة صغيرة بهارات وملعقة شاي كركم واذا تحبين يكون فيه طعم حرارة اضيفي نص ملعقة شاي فلفل احمر مطحون
في طبق ثاني اخفقي بيضة في ملعقة حليب بودرة مخففة بشوي ماء
الطبق الثالث فية بقسماط

الطريقة
بعد ماتطلعي الروبيان من الثلاجة تحطية على شبك اوتنشفية في فوطة نظيفة وبعدها تغمسية في الطبق الاول وبعدين الثاني ومن ثم الثالث وبعدها دخليه الفريزر لمدة نص ساعة او دخلية الثلاجة لمدة ساعة
بعدها سخني الزيت وابدئي باسم الله القلي
ممكن تقدميها مع السلطة والخبز لوحدها لانها تعتبر وجبة وغنية بالسعرات الحرارية او قدميها مع السلطة والرز عاد انتي ومهارتك


** ممكن بعد ماتتبلية وتجهزية وقبل القلي تحفظية في علبة بلاستك محكمة الاغلاق وتحطية في الفريزر لوقت الاستخدام تراة مايتغير لو يقعد شهر
** نفس التتبيلة استخدمها لفيليه الدجاج والسمك وحتى البروستد

اتمنى اني افدتك واسفة على الاطالة واي استفسار انا جاهزة
اتمنى ماتنسيني بدعوتك لي بذرية صالحة عاجلة غير اّجلة
26-07-1425 هـ, 09:58 صباحاً
 
تبلى الربيان بالكزبرة والسمن واليمون ثم شويحية على نار هادئة
26-07-1425 هـ, 06:12 مساءً
 


الساعة الآن 09:03 .