Analysis Services
حبيباتي انا من فترة وانا ادور طريقه سهلة لبطاطا لندن بس مااعجبني شي من هالطرق الي بحثت عنها ويوم جا الخميس قلت ياشيخه قومي ادهري وصيري سنعه في بيت اهلك وصراحه اول مره اطبخ صح ومقتنعه بطبختي واشتهيتها

واقوم واجيب البطاطس واغسله واحطه بصينيه وانغزها بسكين وغطيت الصينيه بقصدير ودخلته الفرن من تحت وجلس ساعه ونص بالفرن واقلب بين فتره وفتره عاد تعرفون اني مابعرف اطبخ صح وكل شوي اطل لايضحكون علي اهلي
واحترت وش احشيها قلت احط خضار قللت لاتحطين اخواني بيصجون مانبي هذا ولا هذا والا الخدامه قايلتلها امي طلعي صدور دجاج وراحت امي للموعد قلت يابنت الحلال حمسي بصل ودجاج وبهريه وحطيت فلفل بارد وجبن سايل وقشطه يوم استوت البطاطسه قسمتها بالنص وفرغتها شوي وخلطت الي فرغته مع الدجاج وحطيت حشوة الدجاج مع الي فرغته بالبطاطس في قعر البطاطس وفوقه جبن موزوريلا وحمرته من فوق

وصلحت سلطه عاديه جزر طماط خيار ملفوف
ويوم جت امي ولقت الدجاج خالص وهي في بالها بتصلح مسخن ونقوم نطلع دجاج وتصلح مسخن بصدور دجاج

وصلحنا شوربه كويكر ساده

ورز باقي من امس ماوكل وحميناه

على قولت امي بنكوكي اليوم (بنصير دجاج)

يله ابي الردود الحلوة الي تثلج صدري انا وامي

اول مره اصلح شي زين

وهذي الصور

والاخير صحني لاول وحده بترد رد سنع
الصور المرفقة
نوع الملف: jpg غدا الخميس2.jpg‏ (23.3 كيلوبايت, المشاهدات 2452)
نوع الملف: jpg غدا الخميس 3.jpg‏ (25.4 كيلوبايت, المشاهدات 2437)
نوع الملف: jpg غدا الخميس1.jpg‏ (20.7 كيلوبايت, المشاهدات 2421)
01-03-1431 هـ, 03:16 مساءً
 

5.00

عدد التقييمات: 1
5
100%
4
3
2
1
ما شاء الله
01-03-1431 هـ, 03:22 مساءً
 
بالعافيه ولاتنسين اختس بصحن هههههههههههه
01-03-1431 هـ, 03:32 مساءً
 
ماشاء الله روعه


ترسلين لي صحن ..

بالعافية عليكم ..
01-03-1431 هـ, 04:02 مساءً
 
عوافي على قلبك سنعة ماشاء الله عليك الله يخلي أمك لك
01-03-1431 هـ, 04:12 مساءً
 


الساعة الآن 10:22 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏