مســــــــــــــــــــــــاء الخير
انا وعدت الكثير اني انزل قصه ولادتي بالمنتدى ونظرا لظروف النفاس والحوسه والضيوف تاخرت
اعذروني صقيقااتي ومالكم بالطويله خخخخخخخخ....
في فجر السبت كنت انتظر صلاه الفجر واناظر كرشتي واقول ياترى متى بتطلع لدنيا ياوليدي وكان بيدي
مرجع كبييير لان كان عندي اختبار بعد اسبوع فحسيت اني طفشانه حدي ومش قادره اركز فقلت ياارب اذا تشوف
ان في ولادتي خيره لي عجلها وسهلها قبل اختباري لاني عجزت اذاكر وبعدها قمت توضيت وصليت ونمت
نومه حلووووه وفجاه بعد ساعه
يجيني مغص يصحيني :44: قمت اقول بنفسي شكلها كالعاده طلووق كذابه وارجع انام وثلث ساعه واقوم وعلى هالحاله
لين طفشت وقمت قلت مافيه الا اقوم احوس بالبيت وانظفه واجمع قشي عشان لو ولاده تكون شنطتي جاهزه عشان اروح لاهلي
وفعلا قمت افحط بالبيت من غرفه لغرفه واحسه يزيد ويزيد وادق وقتها على زوجي بالدوام قلتله انا تعبااانه بس للحين الم محتمل لو زاد تعال والا ترى اولد بالبيت:mad:
عشان يخاف ويتحمس ومايتاخرقالي لوزاد دقي قلت اوكي وارووح اخذ لي دش داافئ مايل للحراره
ولاطلعت من الحمام وانتوا بكرامه الا خلاااص استوويت واكللم ابو الشباب واقوله لحق والا ماتلحق يالله يالله
تعااال ويجي اخونا بالله فرحان خلاص ولاده قلت يا بردك يالله عجل خلينا نودي ولدي لاهلي ونرووح
وفعلا مشينا وكان هالكلام عالظهر والاخ ضحك وسوالف بالسياره وانا:16:
ماغير ساكته واذا جت الطلقه تمسكت بالباب ياقلبي علي والله اني اكسر الخاطر
وعلى حظي كان الجو شوي يمطر فكنا نمشي على مهلنا بس ككان الجو خيال وغيوم
اقول بنفسي ياليت اني طالعه للبحر مو للمستشفى
ووصلنا اخيرا بحفظ الله ورعايته وكان سبحان الله موعدي بنفس اليوم وقلت لزوجي مابغى الطوارئ ابغى ادخل على الدكتوره وفعلا دخلت ووقتها كنت مرتاحه ومتفائله ولله الحمد وكشفت قالت 6 سم ولاده وطارت عيوني :32:صارت كذا بس ممدري فرحه والا خوف مع اني طالع من البيت متاكده انه ولاده
وقالتلي ابغى اسوي لك تحاليل عشان اطمن قلت يالله اطلبي دكتوره اي شئ الا اني ادخل قسم الولاده
واحفر ارض المستشفى مشي للمختبر ومره للعياده طبعا مشيه العساكر:16:الي انبح صوتي وانا اوصيكم فيها
واذا جت الطلقه خخفت السررعه الله المستعان يقولي ابو الشباب ماشوف غير غبارك بالممرات
وهو ياقلبي عليه معاه اوراق الولاده يخلصها
وفجاه تطلعلي الممرضه بوجهي:43: تقول يالله مدام ننزل تهت عشان انتي خلاص ولاده
قلت هاااااه شوي بس الا فجاه يجي زوجي يقول يالله قلت ان شاء الله:44:
وانزل بالاصنصير واو صيه على ولدي :icon33:ولاترضى بولدي وولدي والي بططني امانه برقبتك
وهو يقول توكلي على ربك وان شاء الله بتطلعين بالسلامه
الموووهم وصلت لقسم الولاده ولحد الان متماسكه واسوي قوويه وادخل ويلبسوني لبس الولاده
على فكره الممرضات كانو قمه في التعامل وذوق وشوي ويشيلوني من فو ق الارض مع اني غثيتهم
حيااتهم من يوم دخلت عطوني ابره ظهر بسرررعه قالو نكشف اول قلت لا ابغاها حالا
قالوا شوي مو الحين وتجي تكشف وتقول انتي مداام 7 سم يعني خلااص قلت ماعليك انتي عطيني وبس
قامت تسايسني قالت طيب نحط تخطيط بيبي ومغذي وبعدين اعطيك ابره قلت اوكي:27:
شوي تقول بحطلك بالمغذي محلول عشان انتي مافيه ترجيع قلت يالله حطي اي شئ الا الطلق الصناعي قالت
انتي مايحتاج فيه طلق وراحت وياليتها ماراحت وتلعب فيني الوساوس وتجيني الصيحه ويبدا الندم ياليتني ماحملت انا غبيه ومن هالكلام واناديها فكي التخطيط
قالت نص ساعه بس اطمن على البيبي قلت ابغى امشي واتحرك قالت شوي وفعلا نص ساعه وانا طول هالوقت استغفر
واذكر الله وكانوا مشغلين سوره الكهف بصوت مسموع وفجاه جت قالت يالله روحي الحمام بعطيك ابره من تحت والله لو تشوفوني وهي تفك التخطيط كني مسجونه وطالعه من سجن كنت في قمه الفرحه
وبعد كذا رحت امشي وامشي ومازال تانيب الضميرفيني واطالع بالسقف والجدران واقول ياليت ماحملت
استغفر الله العظيم بس شعور يخوف مع اني مش بكريه والظاهر عشان كذا لاني عارفه البير وغطاه
شوي ما مداني احرك رجيلاتي الا تقول يالله بفتح مويه قلت بددري قالت لالا تعالي
وتدخلني غرفه كببيره تشبه غرفه العمليات وتقولي يالله نامي قمت بققت عيوني قلت وووين ابره الظهر
قالت تعالي مدام فيه هنا كمام مره حلوو قلت انا ابغى ابره ظهر مش كمام انا اعرف الكمام
قالت اكشف اول قلت ياالله وتكشف الا تقول انتي خلاص 8 الى 9 سم خلاص ولاده الحين قلت
هااه والابره قالت ماتنفع وتجيني ام الركب طبعا كنت اسمع فيها هنا بالمنتدى بس ماعرفها
وعرفتها يوم جتني الي هي رجفه وشئ ينفضك من فوق لتحت والركب تتصافق ببعض:hahaha:
قامت هي تخرعت مني قالت مدام انتي بردانه قلت بردانه وخايفه وكل شئ والطلق كل ماله بازدياد
قلت مافيه الا اشفط من هالكمام واشفط وادوووخ وتجي وتفتح المويه واسمعها تقول 9 خلاص وكان هالوقت الالم وصل للقمه خلاص وكان مايطاق الله يرحمنا برحمته
واشفط واشفط بس وقتها من قوه الالم حذفت الكمام وابكي واصيح وفجاه جت دكتورتي ولبسوني
الشراب ورفعو رجليني وانا مبققه عيوني وادور الكمام واحطه وتجي الطلقه واحذفه
قامت دكتورتي تقولي ماشاء الله انتي 10 الحين دفي وادف وادف وكانت هذي اصعب مرحله الله ياجرنا بس
وتقولي شعر البيبيى واضح واتحمس وادف قامت قالت لاتدفين مع صياح لا دفي وانتي مقفله فمك وننزلي راسك جهه
صدرك اتمنى فهمتوا عشان ماتسون مثلي وفعلا بمجرد ماسمعت النصيحه ويطلعون ولدي ويحطونه بحظني
ووقتها قالت الدكتوره والممرضات مبروووك ولد
وقامت تخيطني وانا كنت انام واصحى وبعدها ودوني للملاحظه وطلعوني بعدها الجناح
اللهم لك الحمد والشكر كما يليق بجلال وجهك وعظيم سلطانك
ملاحظات
1 اشكر كل وحده بالمندى افادتني ولو بمعلومه بسيطه وربي شاهد اني استفدت من هالمنتدى الشئ الكثير
2 كنت حاطه ببالي اشرب خلطه الحليب بالقرفه قبل اطلع المستشفى عشان تسرع الولاده بس مامداني
والحمدلله كان التيسير من الله من دون تجارب
3 المستشفى كان في كل شئ قمه في الرووعه والذوق في التعامل سواء من ممرضات او دكتوره
باستثناء الحضانه ماعجبتني ملابس البيبي تمنيت لو جبت معي ملابس له وحتى تعاملهم معي ماعجبني
بس للامانه مايجيبون البيبي الا لما اطلبه
وانا اتكلم هنا عن مستشفى اسطون الخبر
واي سوال وانا حاضره
الله يرزق كل حامل الولاده السسهله الميسره ويرزق كل محروومه عليكم بالاستغفار والدعاء واذكر كنت اردد اللهم اسالك حسن الخلق وهون الطلق وكنت لما اقراها باي توقيع لاي عضوه اقول امييين
يلزم عليك تسجيل الدخول أولًا لكتابة تعليق.
الصفحة الأخيرة
الحين باروح اكمل القصه.......!