هلا والله بامل الروح

ماشاء الله حفظتي القران كله؟؟

كم لك من سنه متغربه؟؟

ماشاء الله

ووش برنامجك؟؟

يعني في اليوم كم تحفظين من وجه؟؟

أختي عروق نجد حياك الله ...

أنا مغتربة من ستة سنوات ...وكنت بدات الحفظ من قبل الغربة يعني من أيام الدارسة الثانوية بالتحديد ..وماكان عندي برنامج معين ..
لكن سبحان الله كانت البداية شريط قرآن سمعته للشيخ أحمد العجمي وكان مؤثر جدا لسورة الفاتحة والأنعام
وكنت ديك الأيام جديدة عهد بالتزام ..يعني القلب كان متعطش جدا ..وكنت أحب أسمع القرآن كثير وخصوصا هذا الشريط
وبدأت أسمعه كل يوم قبل النوم
ولاحظت إني الشيء إلي بأسمعه بأحفظه وهنا كانت البداية
وخلصت سورة الأنعام وسرت كل ما أبغ أحفظ أجيب شريط ..لأني سماعية في الحفظ ..يعني أحفظ أكثر عن طريق السماع ..
لكن ماكنت محددة برنامج معينولا حتى ماشية بالترتيب يعني أدور بالأشرطة وإذا لقيت شريط تلاوته مؤثرة أبدا أسمعه وأحفظه ..ومشيت على هدا الطريق حتى بعد ما اتزوجت دايما أسمع في المطبخ ..وبعد ما أتغربت ..إلين أنتهيت والحمد لله ولأني كنت ناوية أحفظ لكن ماكنت محددة وقت معين ..المهم قبل ما أرجع من الغربة ..فطولت يعني قعدت تقريبا 5 سنوات
والآن أحس إنه المراجعة صعبة الله يسهل يارب ...ناوية لما أرجع السعودية أدخل تحفيظ عشان أثبت حفظي بإذن الله

وجزاك الله خير على موضوعك

الله يجزيك الخير يا عروق نجد ويكتبه في ميزان حسناتك


ماشاء الله يا امل الروح تحفضين القراءن من السمع فقط يابختك

تدرين انا اتعب كثير في الحفظ ولما احفظها وبعد مجهود كبير احفضها واكررها في صلاتي حتى وانا انظف البيت او اطبخ اكون اسمع السوره من الشريط ولما اتاكد انني خلاص حفظتها تمام احول على سوره ثانيه وما انتهي من السوره الثانيه من الحفظ اكون نسيت الاولات كلهم واتعقدت كثير واصبت باحباط وكنت دائمآ ابكي و كل الادعيه دعيتها كل ما اقول لاحد يقولي اعملي كذا وباتحفظين لكن مافي فائده وقلت خلاص با ادخل مدرسه تحفيظ القراءن وجلست بها ثلاث سنوات ولله الحمد ما تنتهي السنه لا اكون نسيت الاولات من السور كلهم وقلت خلاص بادخل مع مجموعه عشان نحفض هنا في امريكا وانا من النوع الي احب كثير اني احفض القران كنت نشيطه للحفظ بشكل ما تصدقينه لكن ما ان انتهينا ومسكنا السوره الثانيه الا كنت نسيت السوره الاوله
تدرين كم لي احفظ القراءن 10 سنوات
والان خلاص حولت فقط اقراء القراءن واستمع له والتفسير وواقراءعن الصحابه وفي اي شيى له علاقه بالدين عشان اكون قريبه من الله
,>>>>>>>>>>>>>>>>>>>>>>اسفه اضهار اني قصيت قصة حياتي لكن لاتلومني من القهر الي فيني

الله يجزاك خيــــــــــــر .......
فكره اكثر من رائعه ......... الله يشغلنااا بطاعته يارب ....
وربي يوفقك دنيااا وأأأخره ....:26:

أختي محجبة أكيد إنه القرآن سريع التفلت وهذا ذكره الرسول صلى الله عليه وسلم ...وحتى أنا لما احفظ أنسى ...لكن لما أجي أراجعها تتثبت أكثر من أول وعشان كدة تلاقي السور إلي حفظتيها أول مع التكرار ترسخ وإلي حفظتيها بالآخر تتفلت أسرع
ولاحظي في نفس السورة الوحدة لما تحفظيها وتنتهي منها تلاقي دائما إنه بدايتها راسخة أكثر من نهايتها لأنه بدايتها أتكررت أكثر بكثير من النهاية
وصدقيني أنا ذكرت إنه المراجعة أصعب من الحفظ لأنه لما تحفظي اكثر من سورة حتبدا تجي عندك المتشابهات من القصص والألفاظ المتكررة ولازم تبدئي تفرقي ..
فإنت حاولي دائما مع المراجعة والله يوفقك يارب..
بالنسبة لي إلى الان ماراجعت القرآن كامل وهذا الشيء مرة مضايقني يعني همتي مو زي أيام الحفظ ..لكن الله يكون بعوننا جميعا