سوي صينيه منتو كذاب وخليه بالثلاجه قبلها بيوم وقبل التقديم بساعه ساعتين حطيه بالفرن واذا عندك شغاله لفي سمبوسه وسبرينق رول وجيبي كبه شامي وخليها تقليهم لك
08-03-1431 هـ, 10:42 مساءً
 
الله يعينك ياحبيبتي ..
كل شي تبدين فيه بدري وتجهزينه يرررريحك كثير يوم العزيمة ... والصراااااحه انا لاكان عندي عزيمة احب ابدأ طبخي من اليوم اللي قبله والسبب انه يريحني كثير لأن ودك تباشرين وتضيفين برووواقه مو تعب وإرهاق وقلة نوووم ...
المهم شوف الاكل اللي تقدرين تطبخينه وتفرزينه أو تحطينه بالثلاجه وسوووويه عشان يصير يبقى لك كبسة اللحم ..
يعني على كلامك فهمت ان العزيمة الأربعاء أجل ترتيبات البيت من تنظيف وتمسيح وتلميع وترتيب خليهاا يوم الإثنين أما تجهيزات صواني الحلا والأطباق الجانبية والمقبلات خليها يوم الثلاثاء يصير مايبقى لك ياعسل الا طبخ الذبيحه ...
اقترح عليك بحلا القهوة تسوين حلى اثنين واحد بسيط وسهل تاخذين تمر وبسكوت وزبده وتعجنينهم وتكوريهم وترصينهم في صينية التقديم وتسوين خلطة النستله وجبن الكيري وتصبينها فوقهم وتخططين عليهم الهيرشي السايل وتحطين كل عود اسنان على كل كورة طعمه جنااااااان وبسيط وماياخذ منك وقت والثاني خليه مثلا حلا الماركة أو بسبوسة الشعرية مرررره لذيذه ..
ومع الشاهي قدمي سمبوسه محشية بثلاث انواع جبن (كرفت وأبيض وموزريلا + فلفل رومي صغار + شرايح زيتون + رشة بابريكا + رشة فلفل أسود ) واحشي سمبوسه سويتز منها واقليها طعمها خطييير
والمقبلات مثل السلطات الخضراء واللبن الزبادي والتبوله وورق العنب والملفوف والحمص ...
أما الأطباق الجانبية ممكن لازانيا أو مكرونة باشميل وصينية باذنجان باللحم المفروم في الفرن ..عندك مرق خضار وقرصان وجريش ..
ولا تنسي الحلا بعد العشاء .. سوي نوعين واحد خلي طبقات في كاسات الحلا وواحد خليه في صينية ياتسوي تشيز كيك أو ترااميسو ..
واللي في المنتدى مو مقصرررررين انتي بس تنقي وكلها تجمل وترفع الراس ..
والله يوفقك وتعدي عزيمتكم على خيرررر يارب ..
09-03-1431 هـ, 12:46 صباحاً
 
شوفي زيني سمبوسة وسبرنج روول
قبل بيووم
والسلطة قطعيهاالعصر
وجهزي المواعين من الصبح
اللحم اطبخية العصر
وسوي مكرونة من الظهر او سوي جريش بالكااتم
09-03-1431 هـ, 12:58 صباحاً
 
الله يسهل عليك يارب
09-03-1431 هـ, 01:50 صباحاً
 
حبيبتي فيه في المنتدى موضوع لأحد الاخوات الله يجزاها خير
--- شرح مبسط لرز العزايم للمبتدئات بالصور ---
روووعه هذا الموضوع مرررره وأنا استفدت منه كثـــــــــــــــــير
موفقه يالغاليه
09-03-1431 هـ, 01:56 صباحاً
 


الساعة الآن 07:53 .