السلام عليكم يا اخواتي في الله تكفون ابغى مساعدتكم انا دوبني عروس جديدة واهل زوجي عاملين كل اسبوع دورية لكل زوجة ولد دور على العشاء والحين يبغوني اصلح لكل العايلة عشا لوحدي مع العلم اني دوبني متخرجة ولا اعرف شي عن الطبخ واهلي بعيدين عني يعني انا لوحدي بالرياض تكفون انصحوني ايش اسوي وايش اطبخ لاني والله محتارة واهل زوجي يبغوني اطبخلهم وهم حوالي 40 نفر ساااااااااااااا ااااااااااااااا اعوني

شوفي حبيبتي عندنا بالرياض طباخات اكلهم خطييييييييير مشالله يصلحون لك العشا كلة وبعضهم يوصلة لبيتك

السمبوسة والسبرنق خذيها مفرزنة ومن عندهم واقليها وقت العزيمة والباقي يسوونة لك في نفس اليوم مثل الرز والجريش والهريس والمرقوق والمكرونه والسلطات واشياء كثييييييييييييي ييرة


فتشي في قسم المول تلقين بعضهم منزلين اعلانهم واتمنى اني افدتك
ياحبيبتي لا تشيلي هم الله يخلي السوق خليه اشتريلك اكل جاهز واكيد بى قدروا لانك عروسه جديده
لله يعينك النفرات كثير شوفي سويلهم كبست رز وعليها لحم مع السلطه لأن مايمديك تتفننين لأنهم كثيرين وكانك سنعه سوي حلا عشاء وبسسسسسسسس خلصت السالفه
بحبكم يا عالم حواء
وعليكم السلام
يوووه 40 شخص الله يعينك ياحبيبتي
قولي لزوجك يجيب العشاء من المطعم أريح لك
منتيب قادره تطبخين العشاء الكثير
صلحي حلا قهوة وحلا عشاء قبل بيوم وحطيه في الثلاجة
عشان ما يكثر عليك الشغل ويوم الدورية صلحي سلاطات وتفنني فيهن سلطة عادية وسلطة خضار مقلية


الساعة الآن 04:44 .