لصاحبات البشره الدهنيه المختلطه والي بستخدمو الروكتان افضل المنتجات اطلاقــا مع الصور

مرحبا صبايا

كتير منا بعاني من مشاكل البشره الدهنيــــه مش هيك !!

انا عني شخصيا بشرتي مركبه وكانت تمام التماام وذكرت بموضوع سابق لالي المنتجات الي كنت بستخدمهـا وفجأه وبين ليله وضحاهـا قلبت بشرتي دهنيه !! وطلعت لي حبوب
وعكرت صفو حياتي !! ونومتي وقومتـــــي ,,,,,,,, ورحت عند الدكتور وخبرني انو شي طبيعي بسني تقلب بشرتي دهنيه وتطلعلي حبوب !! فقرر يعطيني كورس الروكتان !!
طبــعا انا هربت منو لانو كنت متخوفه شوي من الدوا بس خلال الجامعه درست عن هالحبوب وحب الشباب ولقيت انو الروكتان هو الدوا الوحيد المستخدم من عشرين سنه لعلاج هالموضوع وهالنوع بالتحديد من حب الشباب وكتبت بعد موضوع خاص عن حب الشباب
واستمر موضوع البحث عن العلاج ( بغير الروكتان )مده اربع شهور ( لاني كنت خيفانه من الدوا شوي لانو بسبب جفاف ) بس لقيت انو الموضوع عميستمر وحبه تروح وحبه تجي وانا مش معوده ع بشرتي بهالمنظر ... فقررت انو روح لدكتور تاني وهو( الي عالجلي من سنه 2003 موضوع الاكزيمـا والحمد لله راحت) وثقتي كبيره بهالدكتور وبعد الفحص قررلي كورس الروكتان وهلأ صرلي شهر وعشر ايام بالعلاج والحمد لله
هلأ كل قصه حياتي هيدي لشو ؟؟
لدلكن عن افضل المنتجات الي بستخدمها مع الروكتان وهي علاجات للبشره الدهنيه والتي زون ومشاكل حب الشباب طبعـــا ( يعني العلاجات هي تستخدم لكل هالمشاكل وممكن يستخدموها الي بتعالجو بالروكتان اوكي )


اول شي حكيكن عن شركه هالمستحضرات وهي LUSH وهي شركه بريطانيه بتحضر صوابين وكريمات ومستحضرات عنايه بالبشره والشعر وبكل شي ومن وقت دخولي لهالمحل ادمنت منتجاتن لانها طبيعيه وهاند ميد ( صنع يدوي ) وبتعطي نتايج بتعقد
اليوم حاحكي بسسس عن مستحضرات العنايه بالبشره الدهنيه واذا شفت تشجيع منكن ممكن اعمل موضوع للكريمات والصوابيين والشور جل والاملاح والشامبوات و..........


!_ صابونه فرش فارمسي FRESH FARMACY وهي صابونه طبيعيه ورديه اللون محضره من زيت الكالامين والبابونج والزهور خصيصا للبشره الحساسه والدهنيه تنظيفها عميق وبتحسي بعد استخدامها بالانتعاش والبشره المشدوده

fresh_farmacy



!!_ التونك او التونر TEA TREE TONER محضر من شجره الشاي بساعد ع تنظيف البشره وقبض المسام وبتحكم بالزيوت الدهنيه لانو فيو جيجيبربيري وماء الجريب فروت ال مضادين للبكتيريا وبنقو ويطهرو لبشره العاديه والمختلطه والدهنيه وممتاز لعلاج البقع والبثور ( انا كتير حبيتو لانو فعلا رااااائع وبشد البشره وبيعطيها لمعه حلوه مش حاستغني عنو
طريقه الاستخدام بعد تنظيف البشره بالصابونه وتنشيفها نرش البشره بالتونر او المسح بالقطنه وفينا نستخدمو اي وقت صباحا مساء ضروري واي وقت تاني وحتى فوق الميك اب وحلاوتو انو رشاش وفي قياس منو 100 مل للشنطه ..


00405


!!!_ TEA TREE TABS TONER وهي عباره عن اقراص فواره من شجره الشاي نستخدمها اسبوعيا بحمام البخار يعني نحطها بمي حاره لتدوب ونحط فوق راسنا منشفه ونخلي الوج يتعرض للبخار أو ننقع قطعه قماش بالمزيج ونحطها ع البشره

Lush_Tea_Tree_Toner_Tabs



!!!!_ الكريم الفظيع VANISHING CREAM وهي كريم لوت فات غير دهني تمتصه البشره بدون ماتترك دهون وهو للبشره الدهنيه او المختلطه بحتوي على اللافندر والروز وزبده الشيا وجل بذور الكتان الملطف بساعد بعلاج البقع والبثور والتي زون
وبنفس الوقت مرطب فظيييع بنصحكن فيه كتيييير


Vanishing_Cream_4adc811be268b



!!!!! _ بدي دلكن ع سكرب فظيع اسمو DARK ANGELS بحتوي على الرمـاد ومواد اخرى بتنظف البشره بشكل فظيييييع وبتقشرها وتمتص الدهون منها وبتعطيها شعور بالشد طريقه استخدامو تاخدي منو شوي ع راحه ايدك وتحطي فوقو شوي مي وتخلطين وتحطين ع وجك متل السنفرة العاديه واشعري بالفرق

dark



واخيييييييرا مرطب العيون ENCHANTED EYE فيو لافندر وزيت لوز وجوجوبا وعسل برطب المنطقه حول العين وبشدها وبمنع انتفاخها اكيد استخدامو مساء وصباحا بطريقه الطبطبه ,,,,


enchanted-eye-cream


هيدا موضوعي السابق عن حب الشباب وعلاجو

http://forum.hawaaworld.com/showthread.php?t=2129117


وهيدا الموضوع التاني عن افضل مستحضرات البشره والميك اب الي استخدمتن ,,

http://forum.hawaaworld.com/showthread.php?t=1839103



اااااه تعبت بتمنى تكونو استفدتو ومن قلبي بنصحكن بالمنتجات لصاحبات البشره المختلطه والدهنيه والي بستخدمو الروكتان ,,,,
اذا عجبكن موضوعي ادعولي بالتوفيق بدراستي ولأمي ,,:27:



**ملاحظه
المنتجات صبايا متوفره ب الرياض بالمملكه والفيصليه ..
وبجده مركز الروشان مول
والمدينه مجمع الراشد ميغا مول ,,,

*** هيدا موقعن في السعوديه في كل المنتجات بالتفاصيل ومترجم باللغه العربيه اضغطي على علم السعوديه ..
http://www.lush.com/