Analysis Services
السلام عليكم

اليومين هذي شايفه بجريده الرياض اعلان عن شقق في دبي ب270 الف والشركه اللي ماسكتها سعوديه بس هذا اللي اعرف عنها

تحياتي
29-07-1425 هـ, 03:33 صباحاً
 
أعمار
29-07-1425 هـ, 08:00 صباحاً
 
مين اللي شافت عن الشركة السعودية تخبرنا بسرعة قبل لا يخلصن الشقق !!
لأنو إعمار أنا حاجزة ستوديو صغير يمكن بيطلع ب300 ألف . والحجز قبل الاستلام بسنين.
29-07-1425 هـ, 08:36 صباحاً
 
قلب شما شكرا حبيبتي إنشاء الله بسأل عن الجريده

gygy ياليت تشوفين بيانات هذي الشقة (عدد الغرف + رقم تلفون + الموقع + اسم البناية ) وشكرا حبيبتي على تعاونج

بنت _البنات شكرا:24:

مهى الشقة بغرفتين على كم عند اعمار
29-07-1425 هـ, 05:29 مساءً
 
اعمار عندهم أكثر من مبنى و أكثر من سعر يختلفون على حسب المكان والسعر والحجم

مثلا عندهم شقق في الرسيدنس .... المكان حوالي برج دبي الجديد اللي بكون فيه أكبر مركز تجاري في العالم ( دبي مول )

سهر الشقه بغرفتين تقريبا مليون و شي ..
التسليم تقريبا بعد سنتين



و في عندهم مبنى بينتهي سبتمبر 2007 .... اليوم بدأ البيع الاربعاء ... اسمه مارينا كيز
المكان .. في مرسى دبي
سعر الشقه بغرفتين تقريبا 900 ألف و شي


تقدرين تشترينهم من اعمار مباشره بدون وسيط


أيضا في شقق جميرا بيتش ... تابعين لشركه ثانيه .. مكانهم في جميرا على البحر قريب جميرا بيتش هوتل
ما عندي فكره عن اسعارهم بس ممكن تسألين

و في غيرهم واااااااااااايد ... بس شركات غير و أماكن مختلفه

طبعا اعمار تملك أفضل المواقع و أغلى الاسعار


بالنسبه للوسيط ... نسخة أبوظبي غير عن نسخة دبي

يعني اذا تبين نسخة دبي لازم تروحين دبي أو الشارجه و تدورينها أو توصين حد عليها


و اخر شي عندج جريدة الخليج ... الاقتصادي ... فيها وايد اعلانات لأراضي و بنايات و شقق للبيع في دبي

و بالتوفيق
30-07-1425 هـ, 04:55 مساءً
 


الساعة الآن 01:43 .