مرحبا حوائيات




ادري خرشتكم وخضيتكم بتقولون ذي وش عنده هالحزه يالله سترك

بس الصراحه مااقدر اتحمل الي قاعد يصير ويتكرر

من مده كذا قبل اشتري فرن كان عندي فرن ماشي حاله بابه طايح ومايدخل صياني كبيره ويرقل

واسود وشكله كئيب بس الصراحه يطلع كل شي منه جنان وخصوصا الكيييييييييييي يييييييييييك

كنت درجه اولى بالكيك << كنت فعل ماضي

المهم ياطويلات العمر مالكم بالطويله من فتره وانا اعاني من عدم نجاح الكيك لو اقولكم اني سويت

فوق 30 كيكه خلال فترة كم شهر ويمكن اكثر وكلها تكرمون بالزباله حتى ماتعطينها ولا 50% نجاح

غيرت الطحين صينيتي نفسها ماغيرتها نخلت زودت نقصت كلللللللللل شي تتوقعونه سويته

ومافاد. فانا نزلت هالموضوع ابي استفسر هل ممكن ان الفرن يتحكم بنجاح الكيك

مع ان فرني الجديد من نوعيه ممتازه نجح معه كل شي الا الكيك حطيته بالوسط وتحت وفوق غيرت درجات الحراره

والنتيجه هيا هيا خيبت امل وقهر وانا من عشاق الكيك واسويه باستمرار وكيكة الزبادي مستحيل

ماتضبط معي الحين ولامره ضبطت معي

ادري طولت عليكم بس من جد لي مده متضايقه من هالموضوع وقلت اذا يأست بنزل موضوع يخص

مشكلتي مع الكيك يمكن الاقي عند وحده منكم حل .. مع اني فكرت حاليا اجيب فرن ثاني جانبي

عطوني حلول نوروني بابنات حواء يالي عندكم خبره بالكيك تكفووون انتظركم واي سؤال عن تجاربي انا حاضره

< طبعا تقصد التجارب الخايبه عشان تصححونها لها

ابي استفيد والي عنده نفس المشكله برضو يستفيد

ملاحظه : خسرت من البيض والطحين والشكولاته والمواد الاضافيه للكيك الشي الكثيررر وماعندي استعداد

اخسر بعد يعني اذا مانجح معي راح اترك سالفت الكيك لغيري واعيش محرومه طول عمري

< تعاقب نفسه خخخخخخخخخ
والله يوفقنا وياكم يارب

سيفتح الله بابا كنت تحسبه,,,من اليأس لم يخلق بمفتاح
جربي طرق غير طريقتك ولا تفتحي الفرن في اول نص ساعه وتأكدي من حرارة الفرن قبل لا تحطيه وبعد ما تحطيه

والله يعينك


فيلا جديدة مؤجرة للبيع بحي المونسية شرق الرياض
المساحة : 400 م ،شارع 20 واجهة شرقية واجهة حجر
للتفاهم إرسال رسالة خاصة

شوفي ياقلبي أشوف خالتي فرنه كذا محشش مثل فرنك الفطاير يظبط فيه أما الكيك لا
فقامت إشترت فرن كهربائي طلع الكيك والبسبوسه شئ خطير الصراحه وأشوف كثير
يستخدم الفرن الكهربائي بكل شئ ومررره مستأنسين من النتيجه
الله يعينك تعبري بالجاهز لحد ماتلقين لك حل والإ عيشي محرووومح من الكيك طول
عمرك ياحراااااااااام والأ تعالي للقصيم وأسويلك كيكه ولا تكون بخاطرك ياقلبي
اقتباس مشاركة  (Om FaHoOoDi)
جربي طرق غير طريقتك ولا تفتحي الفرن في اول نص ساعه وتأكدي من حرارة الفرن قبل لا تحطيه وبعد ما تحطيه

والله يعينك
جربت الف طريقه تقريبا كل طرق المنتدى وغيرها وماعمري فتحت الفرن خير شر لمين تستوي لاني

اشوفها من ورا القزاز واضحه والفرن يكون حار قبل ادخل الفرن وبعدين احوله على متوس

يعني كل الي قلتيه طبقته ومو جديد

وشاكره حبيبتي ردك واهتمامك وجزاك الله خير
سيفتح الله بابا كنت تحسبه,,,من اليأس لم يخلق بمفتاح
اقتباس مشاركة  (نداااوووي)
شوفي ياقلبي أشوف خالتي فرنه كذا محشش مثل فرنك الفطاير يظبط فيه أما الكيك لا
فقامت إشترت فرن كهربائي طلع الكيك والبسبوسه شئ خطير الصراحه وأشوف كثير
يستخدم الفرن الكهربائي بكل شئ ومررره مستأنسين من النتيجه
الله يعينك تعبري بالجاهز لحد ماتلقين لك حل والإ عيشي محرووومح من الكيك طول
عمرك ياحراااااااااام والأ تعالي للقصيم وأسويلك كيكه ولا تكون بخاطرك ياقلبي
على فكره فرني ذا كهربائي بس كبير وجاي ديكور مع المطبخ والمكرويف

وذكرتيني لنقطه تراه حتى البسبوسات ماتضبط الله يذكرك الشهاده

معناته لازم ارجع اجيب مثل حقي القرنبعه واخليه على جنب للكيك

والجاهز ابشرك ماعاد صار يضبط معي اذا قصدك الكراتين بيتي كويكر

وسالفة اعيش محرومه الصدز ماقدررررررررررر

ابجي للقصيم ان شالله وابي عشرين حبة كيك بحطهن بالفريز عشان لارجعت اضمن اني باكل كيك

الله لايحرمك الاجر ههههههههههههههه هههههههه

مشكوره اختي على مرورك ويابنات القصيم ماتقصرون الله لايحرمن وه بس

بس لاياس مع الحياة بيجي يوم وابدا اوزع عليكم كيك
سيفتح الله بابا كنت تحسبه,,,من اليأس لم يخلق بمفتاح


الساعة الآن 11:36 .