شكلكم تقولون من وين جايه ذي بس تعبت وانا احاول بحشوة السمبوسه ابي لها طعم ماتشبعين منه بس كيييييييييييييييف؟؟؟؟؟؟؟ بلييييييييييييييييييييز اللي عندها خبره تقووووووووووولي عشان اذا اكلوها بناتي مايسووا ابيهم لاتفشلوووووووووووني خصوصا وانهم يحبونها
هلا وخيتيي

شوفي انا عندي كذا طريقه

بس الي تبين الحشوه ولا العجينه ؟

انا عجينتي بس دقيق وماء وشوي زيت وملح واتركه ساعه ترتاح وبعدين اقطعها كور صغار وافردها بالفراده
على رقم3 وبعدين رقم 4و5

واحشيها وبعدين اقليها بالزيت تطلع مره هشه

انتي حددي وش تبين وان شاء الله بكره اعطيك كذا طريقه مع حشواتها


لك مني اجمل تحيه



السلام عليكم ورحمة الله و بركاته
إذا كنتي أختي تبين العجينه فخذيها من عند الي يزينون المطبق (رقاق)
إذا شريتيها تلاقينها طويل وطاويها بالكيس أنتي أقطعيه نصفين من عند الطيه(السبب لأنك لومانقصتي من طولها تطلع لك الفه كلها عجين ومايبين طعم الحشوة) وزعيها باأكياس على قد ماتحتاجين ودخليها الفريزر وكل صلاة ضحى طلعي لك كيس00
بانسبه للحشوه :
لحمة مفرومه
ضمة يدك شبت مفروم
ضمة يدك بقدومس مفروم
حبة بصل مبشورة اومفرومه فرم ناعم(لأني ماأحب البصل بارز بالحشوة)
ضمة يدك جزر مبشور
بهارك المفضله
ماجي أو ملح
الطريقه :
ضعي اللحمه بمصفى وتركي يتسرب منها الدم
جهزي البقدونس والشبت والبصل عدا الجزر لأنه يسود
ضعي الصينيه وبنفس الوقت ضعي اللحمة خطوة مهمه
قلبي اللحمه حتى لايتبقى من ماء الاقليل ضعي البصل والماجي
وقلبيها ودعيها على نارصغيرة وأبشري الجزر وإذا أستوت
ضعي ماتبقى من المقادير من البهاروالجزر
دعيها حتى تبرد وحشيها
وأقليها بأي زيت وأتحد إذا شربت الزيت بشرط أن يكون ساخن
ووالله أنهم يسألون بأي زيت قاليتها ؟؟؟
ماهم دارين عن سر الطبخه ههههههههههه
وبالعافيه على قلبك
صحيح .... طريقة غيمة امل بسيطة ولذيذة

والشبت يخلي طعم السمبوسة يهبل ... بصراحة هو دائما سر النكهة اللذيذة للحشوات
الشيخة ........... اذا تبين سمبوسة بالخضرة فالطريقة كالتالي :
بطاط ( مكعبات صغيرة )
جزر ( مكعبات صغيرة )
ملفوف مقطع الى شرائح رفيعة
بصل مقطع الى مكعبات
كزبر + شبت مفروم + جبن كرافت مبشور
كاري + فلفل أسود + كركم + ملح
نفور البطاط مع الجزر مع الملفوف
نحمر البصل بالزيت ثم نضيف عليه الخضرة بعد ما نفورها ونشخلها
نضيف البهارات كلها مع التركيز على الكاري لأنه يعطي نكهة وايد حلوة
ثم نضع الكزبر والشبت وبعد الانتهاء نجعلها تبرد شوية ثم نضيف الجبن ونبدأ بالحشو
وعليج وعلى بناتج بالعافية


الساعة الآن 09:50 .