الكل له طريقه خاصه في تصليح السمبوسه>>>على بالها جابيه شئ جديد..
بس عندي بالرقاق الجاهز تطلع سمبوسه واذا سويت العجين بالبيت طلعت فطاير,,,,,,,خلطتي الخاصه منوعه:
لكن الغالب عليها لحم مفروم غنم حوالي 2كيلو احطه على النار لحد ماينشف الماء وبعدين بصل ابيض مقطع صغير
حوالي كوب ونصف..واحط البهارات ملح وكمون وفلفل احمرومكعبين ماجي..وقبل مارفعه عن الناراضيف حزمة بصل اخضر وكراث وكوب جزر مبشور..علشان ماتذبل كثير..بعدين تحشين الرقاق وتجمدينهم بالفريزر.. ...
وهالسنه الغيت الخضار المسلوقه من الخلطه لاني سويت سبرنج رول بالدجاج والخضار ..وبعد فرزنتهم لان خبركم المدرسه تهد الحيل ومن له نفس يسوي كل يوم خلطه علشان 7 او8 سمبوسات باليوم..
ورمضان كريم....
اقتباس مشاركة
المشاركة الأصلية كتبت بواسطة طيبة قلب
[/color] المسافره: مشكوره اختي على المرور بس يقولون انك افضل طباخه وبخلتي علينا بخبرتك لاتكون اشاعه<<<شالت الميانه امزح اختي معاك وحيااااااااااك [/b]
هههههههههه ضحكتيني على أفضل طباخة ترى لايغرج لقب مب أكثر ههههههههههه

ولا يهمج بعطيج الطرق اللي أسويها.. عندي طريقة أم دانة أسويها دايما من عرفتها لذيذة وايد والطريقة بخط صاحبتها طبعا.. وهذي هي..

سمبوسك هندي
المقادير :
للحشو :
3 حبات بطاطس مقشرة و مسلوقة و مقطعة صغير
2 ملعقة زيت
1 بصلة مقطعة رفيع
3 فصوص ثوم مقطعة رفيع جدا
ملعقة صغيرة زنجبيل طازج
نصف كوب بازلاء
نصف كوب جزر مبشور ومقشر
2 فلفل اخضر حار مقطع رفيه جدا
2 ملعقة صغيرة كاري
نصف ملعقة صغيرة كركم
ملعقة صغيرة ملح
2 ملعقة صغيرة سكر
2 ملعقة كزبرة خضراء مقطعة
ملعقة صغيرة عصير ليمون
عجينة السمبوسك او لفة رقائق
2 ملعقة دقيق
2 ملعقة ماء
زيت للقلي

الطريقة :
نسخن الزيت على درجة حرارة متوسطة ونضيف البصل و الثوم و الزنجبيل ونقلب لمدة 3 دقائق ثم نضيف البطاطس و البازلاء والجزر والفلفل ونقلب الخليط بلطف على درجة حرارة مرتفعة لمدة 3 دقائق ثم نضع الكاري و الكركم والملح والسكر والكزبرة وعصير الليمون ونقلب بلطف ثم نرفعها من على النار ونتركها جانبا الى ان تبرد
نحضر رقائق السمبوسك ونخلط الماء بالدقيق ونحشي ثم نغلق بالماء و الدقيق حتى لا تفتح العجينة اثناء القلي ثم تقلي في زيت حار غزير
وتوضع على ورق ناشف لامتصاص الزيت الزائد...

والطرق الثانية ممكن جبن وزعتر أو جبن ونعناع.. هالمرة جربت اللحم العصاج بالبيض المسلوق.. ممكن جبن خالي وبعد الغلي بس تغمسينة بالزعتر يطلع لذيذ.. والأحسن تسوينهم أصابع مب مثلثات..

وتحياتي لج..

ترى يعتمد على نوع اللحم في أنواع مرة حلوة وفي انواع نص نص


الساعة الآن 06:32 .