Analysis Services
السلام عليكم ورحمة الله وبركاته
شخباركم يا بنات
حبيت اقدم لكم غداي اليوم واللي كان يهبل فحبيت انكم تشاركوني فيه
المقبلات
حمص
جرجير
سمبوسه بف
شوربة عدس
الطبق الرئيسي
رز مشخول على كيف كيفك بالسمن العربي
سمك هامور فيليه
الحلو
كريم كراميل لزوم تبرد على قلوبنا من حرارة هالجو اللي مدري شلون قايل استغفر الله
تفضلوا على السفرة








السمبوسه عجينة البف كاسين طحين ملعقه زيت ورشه طحين ومويه حسب العجن اعجنيها وخليها قاسيه وبعدين قطعيها كور وافردي بالوحدة وحطي فيها الحشوة والحشوة عبارة لحم مفروم يحمس ويضاف له البصل مقطع صغير جدا ويحرك ثم تضاف له البهارات ويقلب الى ان تطلع ريحته ثم حطي عليه شبت وبقدونس وكزبرة وبصل اخضر وطفي عنه واذا تبين حطي مع الحشوة بيض مسلوق حسب الرغبه
الحمص
حمص الجاهز بالخلطه اللبنانيه شتورة علبتين يخلط مع 2 علبه زبادي 4ملاعق طحينه عصير ليمونه واحدة وحركيهم مع بعض وحطيهم بطبق التقديم ورشيه بزيت زيتون وبس
الشوربه
عدس قد زبديه الشوربه احمسي بالقدر بصل وطماط وثوم وضيفي عليهم البهارات مع مكعب ماجي وثم العدس وحركيهم مع بعض وصبي المويه الحارة عليهم وخليها تطبخ الى ان تستوي
السمك الفيليه
يتبل قبل بساعتين او اكثر يطلع احلى او قبلها بيوم بعد احلى ببهارات وثوم وليمون ثم يغمس بطحين ويقلى بزيت حار
الرز المشخول بالسمن
نحط ماء مغلي بالقدر وبهارات اعواد وملح وماجي ابيض وشريحة ليمون ووسمن عربي وفص ثوم وقرون فلفل اخضر واذا تطابخ حطي الرز وغطي الى ان يستوي قومي واشخلي اي صفي الرز من باقي الماء ورجعي بالقدر وحطي عليه بصل محمر بسمن ورصبي عليه حليب ابوقوس وعصير ليمون وقصري عليه الى ان يتمصص والرز الابيض ماياخذ وقت زي الرز الاصفر يعني تكفيه ربع ساعه بالعافيه عليكم جميعا يالله تعبت وانا اشرح ابي تطبيق
14-03-1431 هـ, 03:48 مساءً
 

5.00

عدد التقييمات: 2
5
100%
4
3
2
1
مشاءالله تبارك الله الله يديم عليكم
14-03-1431 هـ, 03:50 مساءً
 
ماشاء الله لاقوة الا بالله

سفره رائعه
14-03-1431 هـ, 03:53 مساءً
 
ماشاء الله غدا يفتح النفس
14-03-1431 هـ, 04:01 مساءً
 
ماشاء الله
تبارك الله
روووووووووووووووووووووعه
وتسلم يدينك
14-03-1431 هـ, 04:03 مساءً
 


الساعة الآن 09:36 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏