طلب تريكو من الخبيرات

حبيبتي اهلا بيكي
باذن الله اجيب لك شرح الجاكيت
استنيني

حانحتاج شلتين 50جرام يعني 100 جرام
ابر دائريه مقاس 4مم
وعلي فكره ممكن ابر مستقيمه عادي بس لابر الدائريه بتديكي فرصه تقيسي طول ماانتي ماشيه علشان تظبطي المقاس
- 4علامات للغرز وممكن تحطي خيط من لون مخالف او بنسه او دبوس امان
العينه- 19غرزه و25سطر =10سم
المقاس بيبي حديث الولاده
غرزه عدل =ع
غرزه مقلوب=م
حطي علامه = ح
الزياده =اشتغلي في الغرزه من الامام والخلف
وده فيديو بيوضح الزياده بالطريقه دي
http://www.knittinghelp.com/apps/fla...yer/play/120/1

م=اعملي غرزه زياده وده حايكون في اول السطر واخره
وبيكون في اول السطر بانك بتعملي 1عدل ثم لفه
وفي اخر السطر بانك بتعملي لفه ثم 1عدل
التنقيص=2عدل معا

البدايه
ابدئي عند الرقبه واعملي 26غرزه
اشتغلي 1عدل -ح- 2ع- ح-20ع-ح-2ع-ح-1ع(سطر التقسيم)
السطر 2- م
السطر 3-اشتغلي عدل مع زياده غرزه علي كل جانب من جانبي العلامه
يعني كد ه حانزود كام غرزه ؟؟؟
السطر 4- م
السطر 5- اشتغلي عدل مع زياده غرزه علي كل جانب من جانبي كل علامه +م عند بدايه السطر ونهايته
كرري السطرين 4و5 حتي يصبح عندك 44غرزه للضهر و26غرزه لكل كم و24غرزه لجانبي الامام
منتهيه سطر علي ضهر الشغل وحايكون شكل الشغل كده
وشوفي الميزه من الشغل بالابر الدائريه انك بتعرفي شكل الجاكيت ومقاسه







بصي ياقمر الشرح لجاكيت حديث الولاده ولو عايزه تكبريه اعمليه علي ابر اكبر وبخيط اتخن
وانا شايفاكي سالتي في منتدي اخر وانا نزلت لك الموضوع كله هناك وفيه تفاصيل اكتر شوفيه كده

تسلمي يا احلى ام قسمت ربنا يبارك لك