Analysis Services
هلا خواتي هذي مثل اللي عندي مرتاحة معاها والكوفي عندي احلى من ستار بوكس على راي خواتي

كانت عندي قبلها ديلونجي ايطالية

بالنسبة للكوفي احسن نوع استخدمته كان من سياتل بيست كوفي نفس اللي مع السينبون اخذي من عندهم ربع كيلو مطحون فريش وقولي لهم النوع اللي تفضليه اذا كابتشينو او موكا واتمنى انها تعجبك
05-08-1425 هـ, 10:30 مساءً
 
والله ياام الجود..رحت سيتل بيست كوفي واخذت منهم وعطوني نوع ماعجبني ..
هم عندهم انواع..اي نوع اخذتي ؟؟
واذا كنتي تسوين موكا وكابيشنو علميني طريقتك يمكن تختلف عن طريقتي ..
ونوع الكاكاو المستخدم وش هو؟
06-08-1425 هـ, 12:57 مساءً
 
اهلا اقدع الناس
النوع اللي اخذته منهم قلت له انه يكون خاص بالكابتشينو محمص وسط الى ثقيل وطحنه وانا واقفة واخذت ربع كيلو بس لاني احبها فريش
واخذت مرة من محمصة الرفاعي بنفس الطريقة بعد وهم عطرت لي البيت فترة ..
طريقتي في عمل الكابتشينو باستخدام الجهاز :
احط مقدار الكوفي في المصفاة واذا كان لكوب واحد لحد الخط الاول اللي داخل بس
وتثبت المصفاة في مكانها
بعدين احط الماي في الكونتينر حق الماي الى اعلى شي واسكر عليه بالقوة
اوصل الجهاز بالكهربا واحط الكوب في مكانه طبعا
احط الحليب في اناء معدني ( وعاء قهوة او كاس معدن كبير ) وتكون كميته لكوب واحد تقريبا نصف كوب حليب
اول ما تبدي القهوة تنزل احط وعاء الحليب عند انبوب البخار بحيث انه يكون داخل الحليب وافتح الصمام واحرك العصا الموجودة علشان تتكون رغوة كويسة لحد ما يصير الحليب مثل الكريمة..
القهوة المفروض اللي تنزل تكون توصل لحد رقم 2 بس في الابريق الزجاجي اللي تبع الماكينة او لحد ثلث الكوب اللي راح تشربي فيه القهوة بس
بعدين تكملي عليهم بالحليب اللي يكون جزء منه سائل بس يكون ستيمد ميلك ( حليب مبخر ) اذا ترجمة حرفية يعني
تحطي ايضا ثلث بعد فبيصير الكوب امتلأ ثلثين الآن والباقي تكليه بالرغوة وحطيها بالملعقة
بالنسبة للكاكاوانا مو اساسي عندي بس استخدم اي نوع موجود وهم احسه اوكي


تعبت الحين ..
اشوف ردك ونكمل بعدين
06-08-1425 هـ, 10:58 مساءً
 
هلا ام الجود...

شكل سلوى راعيه الموضوع انحاشت هههههههه
شوفي اذا انتي عندك نفس التي ..
انا اذا كنت بسوي كوب واحد احط الماي لحد رقم 2
عشان البخار ..
واحط القهوه بملعقه القهوه الخاصه بالجهاز...ملعقه لكل كوب ..
وبعدين اسكر كونتينر الماي
واحط الهاندل حق القهوه مكانه..
واشغل الجهاز...
تبدا القهوه بالنزول ...
احط الحليب (عاده احط لكل كوب قهوه كوب الاربع حليب)
في مكان عصا الرغوه..(ماتحسين ان العصا قصيره وماينفع لها كوب كبير ؟؟ يعني انا احط كاس صغير واقسم الحليب قسمين لاني لو حطيت جك صغير احس العصا ماتوصل للحليب ! بس للسطح)
المهم
احط ثلث قهوه وثلث حليب وثلث رغوه
جربت انواع الكاكاو...
افضلهم هنتز...
وشفت ستار بكس يحطون سيروب كاكاو...
جربت حطيته مو بطال ....
بس الى الان ...
مااحس انها توب ..
بعد ..
ستار بوكس نكهه الكاكاو قويه عنده ......
انا متاكده ان نوعيه الكاكاو تؤثر+ القهوه...
بس ماطحت على شي زين ...
07-08-1425 هـ, 12:08 مساءً
 
الله يسعدكم يا رب على الشرح المفيد قولو آمين
توكلت على الله واخذت اله الكابتشينو مع الكوفي ميكر وب 85$ طبعا مع التاكس
ادري بتقولون غاليه؟!! بس حست النت والمدينه اللي انا فيها وكان هذا أفضل سعر حتى عن طريق ويب سايت الامازون اللي يقالك اسعاره مخفضة لقيتها غاليه
تصدقون بنات انا أمووووووووووت في شيء اسمه اجهزه وهنا عندهم اشياء حلوه
لكن الظاهر اني ابغير رايي ولا اخاذ معاي للسعودية شيء لان السعودية اسعارها ارخص ويكفيك ضمان الوكاله ما احوس اذا اختربت وانا بعيده
كثرت هذره
سلام حبايبي
07-08-1425 هـ, 06:38 مساءً
 


الساعة الآن 03:47 .