مساء الخير بنات وحشتووووووني مووووووت
انا قلت هكتب الكلام ده في كل المنتديات الي اعرفها عشان ربنا يكرمني ويسترها معايا ويحققلي الي انا عاوزاه
الريجيمات التي سيتم ذكرها لاحقاً هي لدكتور ممتاز جدا وعلى خلق وفعلا يستحق كل خير جزاه الله خيرا وهو دكتور محمد احمد طلبة وانا قلت لازم ادي هذا الرجل بعض ما يستحق من التقدير لأنه فعلا شخصية ممتازة وعنده ذمة في شغلة ومتدين وربنا يكرمه بجد على اجتهاده
انا عادة لا اقتنع ببعض الموضوعات التي تقوم الأخوات فيها بنقل تجارب عضوات اخرين فانا احب دائما نقل التجربة التي شاهدتها بعيني او جربتها بنفسي
انا تجربتي مع السمنة طويلة جدا وممله بقالي حوالي 15 سنة شغالة الله ينور ريجيمات واخس وبعدين ارجه ازيد اكتر ما كنت لحد ما الواحد جسمه خرب وباظ من البلاوي والريجيمات الغلط والأدوية الي خدها .
تجاربي مع الدكاترة
رحت لناس كتير دكاترة كتييير ومنهم دكتورة مها رادميس اكيد المصريات عارفينها مشهورة اوي عندنا في مصر بس معرفش على ايه بجد ،
وانا والله بقول انها لا تستحق لقب دكتورة ابدا وندمت اشد الندم على الوقت والفلوس المتلتله ( الكتير اوي ... ترجمة للأخوة العرب ) الي دفعتها معاها ومستفدتش غير حرقة الدم من اسلوبها الغريب
فعلا الواحد مش لازم يصدق الدعايا والإعلانات فيها مبالغة وكدب كتييير جدا ، دكتورة مها ده بتطلع في برامج كتيييير في التلفزيون والإذاعة تلاقي بس عشان عمله شعرها اصفر
المهم انا قلت بس هي ده ال هتنقذني ، مفيش غيرها هتنقذني من دوامة السمنة والشحوم الي انا فيها ده
اصلها عاملة لنفسها دعاية جامدة جدا ، تقولش هتكتشف الذرة
المهم يا حلوين اني رحت لهذه الدكتورة وياريتي مرحت
والله ولا تستاهل الدعايا واسلوبها غير لائق ابدا وحتى رجيمتها رديئة ومش بتكلم معاكي ولا بتريحك بس تخشي وتديكي ورقة الرجيم الي ملهاش لازمة متسواش بصلة
اصل يا جماعة الرجيمات مالية الدنيا انا مش رايحة ودافعة فلوس اد كدة عشان ادخل وتديني ورقة فيها نظام رجيم ما الرجيمات مالية النت والكتب والمجلات والواحد بيكعبل فيها كل شوية ، المفروض تتكلم وتشوف مالي وكل استشارة تسالني المهم انها مبتكلمش كلمتين على بعض والاقي المريض الي ورايا داخل وانا لسه جوة غرفة الكشف مكملتش دقيقة لا والنكتة ان انا بدخل على المريض المسكين الي قبلي وهو لسه جوة يعيني مذهول من الدكتورة الغريبة ده ، ونقف نحن المرضى الثلاثة فاغرين افواهنا من الدهشة متحسرين على الفلوس التي ضاعت هباءا بس فالحين ياخدوا فلوس اد كدة وخلاص وحسبي الله ونعم الوكيل
وبعد تجربتي المريرة مع مها ده طبعا قررت اني مروحلهاش تاني ابدا واحذر كل من تسول له نفسه انه يورح لها تاني والله العظيم على ما اقول شهيد
المهم انا رحت لدكتور مش معروف اوي لكن اقسم بالله انه اكتر من ممتاز وبجد برقبة الدكاترة الي بتطلع في التلفزيون ده
اسمه دكتور محمد طلبه دكتور في مستشفى اسمها الزهور صحبة اختي قالتلي عليه بعد ما تحولت من دبة الي غزال زي القمر المهم مكدبتش خبر وخت العنوان ورحت والحمد لله ربنا كرمني بجد بهذا الكتور المحترم المتدين الي عنده ذمة ده
انا خسيت معاه حوالي 10 كيلو في 3 اسابيع وبشرتي ووجهي كانوا اكثر من رائع وكل الي يشوفني من اصحابي او اهلي يسالني انتي عامله ايه شكلك تحفة وبشرتك جميلة وعاملة زي اللؤلؤ
لظروف ما للأسف مكملتش معاه ( ظروف سفر )
المهم انا حاليا رجعت له مرة اخرى وان شاء الله ربنا يوفقني ويكرمني وناوية استمر معاه لحد ما اوصل للوزن المثالي عاوزة اخس 25 كيلو
انا جسمي من نوع الكمثرى ماساتي الجوانب والأرداف والمؤخرة
الدكتور اداني رجيم ان شاء الله هبدا فيه للنصف الأسفل من الجسم ويا ويلي لو ملتزمتش هضرب بجد
كفاية كدة النهاردة ونكمل وقت تاني
الـبرنسيسة @albrnsys_25
عضوة نشيطة
ريجيماتي المجربة من الدكتور الأكثر من رائع محمد طلبة وبشرتي التي اصبحت زي اللؤلؤ
138
20K
يلزم عليك تسجيل الدخول أولًا لكتابة تعليق.
سلام يا جمييييييييييييل
ربنا يوفقك وتوصلي لوزنك المثالي آمييين
بس يا ريت تنزلي الرجيم عشان ممكن نبدا معاكي
ربنا يوفقك وتوصلي لوزنك المثالي آمييين
بس يا ريت تنزلي الرجيم عشان ممكن نبدا معاكي
الصفحة الأخيرة
بس كد مش كنتي تكملي وتقوللنا علي الرجيم