الله يعافيكم صار لي مده محتفظه باسهمي في الانماء واشوفها ماتحركت ناويه ابيعها واشتري في صافولا هل قراري قرار صائب او لا الخبيرات ياليت يساعدوني والله اني محتاره وخايفه من الخساره

صافولا لازم تجني الربح لانه في صعود وبعدها يمكن تواصل اكثر لكن الانماء بيجي له يوم ويتحرك، انصح انك تنوعين محفظتك وماتلحقين سهم مرتفع يمكن يعلقك وتبعين سهم يتأهب اومستقر
اذا مليتي من الانما شوفي سهم يتاهب اوجنى ربحه وخلص ولاتلحقين سهم ارتفع
سألت زوجي لانه مضارب يومي في السوق وانا مضاربه حسب الفراغ يقول اذا زميلتك ناويه تشتري صافولا فصافولا فنياُ الان كما يلي : اذا تجاوزت 37 بكميات كبيره ملفته بتروح ل 39 واذا كسرت 34.95 نزول فتعتبر وقف خساره وخروج لانه تصحيح للسهم ومرحله جديده حتى تتحسن مؤشراته
هذا فنيا لكن كمعلومه ماعندي خبر

لطشت لكم مؤشرات صافولا من جهازه وواضح فيها الارتفاع المستمر وخايفه ترجع
الصور المرفقة
نوع الملف: jpg صافولا.jpg‏ (35.0 كيلوبايت, المشاهدات 290)
تسلمين والله ياعسلا انا بغيتها كاستثمار مدة سنه تقريبا احسن من انها تقعد في الانماء ماتتحرك
تعويض الخساره يمكن يتحقق في شهر ويمكن يتعوض في سنه او سنوات ويمكن مايحالفك الحظ وتزيد الخساره وهذا شي مكتوب


لكن نتكلم عن الاستثمار
مثلا الاسهم الثقيله ماتنفع استثمار سنه ، صافولا وسابك والاتصالات السعودية وموبايلي والجماعي والبحري ومجموعه كبيره من الاسهم الثقيله تصلح استثمار لمدة لاتقل عن 5 سنين المهم انك تراجعين اخر قوائمها الماليه وتشوفين هل هي في نمو او سجلت خساير ولازم ارباحها تشغيليه ماهي من بيع اصول او استثمارات
وارجعي لموقع تداول وتعمقي في اعلانات الشركات الاخيره وعدد اسهمها وافتحي مؤشراته وشوفي كيف حركته خلال سنه و خمس سنوات
ليش نقول 5 سنين على اقل تقدير ؟

السبب ان 5 سنين يمدي الشركة صرفت ارباح فصليه او سنويه واحيانا تمنح كل سنه وكذا تكون تكاثرت الاسهم وينقسم السعر ومع الوقت يرجع السهم لنفس السعر السابق وتكونين امتلكتي عدد كبير من الاسهم ( بالمنح ) وبرضو فيه ارباح نقديه كل مادلخت حسابك تشترين به اسهم في نفس الشركه والسعر مع الوقت يرجع لسعر الشراء الاول

كذا نكون استثمرنا في سهم مانفكر في قيمته لكن نفكر في ارباحه النقديه والمنح واكيد اذا ارتفع السوق كله بيرتفع سهمنا لان له دور في المؤشر
هذا الاستثمار الطويل

لكن اذا تفكيرك في سنه ومقتنعه بسوق الاسهم فمالك الا تبحثين عن سهم عدد اسهمه قليله تتحكم فيها القروبات بسرعه ويكون في القاع وماعليه تضخم مثل المعجل او اي سهم قريب من قاع تاريخي
وقبل كل حاجه لازم نشوف عدد اسهمه الحره كم ونقارنها باسعار الاسهم اللي مثله
اذا شفنا سعره اعلى منهم نبتعد عنه واذا شفناه نازل عنهم فنكمل دراستنا عليه ونقرر
مثل السهم هذا مطلب للمضاربين ويجمعون فيه شهور بعد مايملون منه الناس ويطفشون ثم يجي يوم ينطلقون به من قاعه ويدبلون وتتخلصين منه وتدورين غيره وهذا استثمار قصير لكن في سهم مضاربي

واللي تبغى تصير مضاربه يوميه فهذي لازم تدرس وتتعلم طرق التحليل وتشتغل على الاسهم اللي فيها تذبذب فني ويمشي في مسيراته على 90 % من قواعد التحليل الفني من دعوم ومقاومات وتنفع نفسها بنفسها او تبحث عن كاتب ثقه وتراقبه فتره واذا شافت صواب توصياته تبدأ تشتري على توصياته وتضارب على هامش ربح بسيط ويوم ورى يوم تحصل ارباحها زادت واحسن لها من التخبط وضياع الوقت والمال والتعليقات المتتاليه


الساعة الآن 01:00 .