مساء الخير بابنات
انا ابي طريقه حلوه لعمل اللقيمات وفي لقيمات في المنتدى حصلتها كثيرررررررررررة
بس اريد واحده جربت طريقه حلوه تقولي عليهاااااااااااااااااااا طيبببب
عشان رمضان قرب
تحياتي لكم عزيزاتي
الاطفال اجمل شي في الوجود
حياج الله يالغالية

واسمحيلي بنقل الموضوع الي اطباق عالم حواء

ماجي
مرحبا اختي

انا بخبرج طريقة لقيمات وااااااااااايد سهله وحلوه

المقادير
ثلاث اكواب ونص طحين رقم واحد
ملعقة ونص خميره سريعه
فنجان شكر
شوية زعفران وينسون
ماي

تعجنين المقادير مع بعض وتحطين الماي لين ما تستوي شبه سائله وتخلينها تخمر لمدة نص ساعه او اكثر عقب ما تسوينهن اخر شي صبي العسل او الدبس او الشيره

ويكون مقرمش وطعمه حلو
اوك ماجي ولايهمك
اختي روح جميرا شكرا على الوصفه وان شاء الله اجربها باذن الله
تحياتي '''
اختي هذي هي طريقتي في عمل اللقيمات ويموت عليها زوجي
وانا اسويها بدون مقادير يعني بالنظر بس..
المكونات..
طحين اماراتي
طحين مخمر( الممتاز)
خميرة (تجي بعلبة حديد)
حليب بودرة
شوي ماي

الطريقة..
اسخن الماي حتى يصير دافي وليس حار..
احط الخميرة واحركها لين تذوب
احط حليب البودرة واحركه كمان لين يذوب
بعدين يجي دور الطحين الاماراتي مع الطحين المخمر واعجنهم لين تصير عندي عجينة متماسكة نوعا ما..
اغلف الاناء بورق قصدير واحطه في مكان دافي حتى يخمر (انا احطه داخل الفرن بدون مااشغله طبعا)
اترك العجينة تخمر تقريبا لمدة ساعة او لما اشوف حجمها تضاعف..
اقليه في زيت غزير مع التقليب المستمر حتى يصير لونه ذهبي
احطه في صحن واصب عليه دبس التمر واقدمه لزوجي واولادي
اتمنى انك تجربي طريقتي وان شاء الله تعجبك وبالعافية مقدماً


الساعة الآن 04:40 .