السلام عليكم
كل عام وانتم بخير قبل الزحمه
المهم حبيت اسأل وش افضل حشوه للسمبوسه طبعا لحم اكيد كل وحده لها طريقتها الخاصه
بس فيه وحه قالتلى انها تحط فى السمبوسه صلصه طماطم وهيه مشهوره بالسمبوسه وانها ماتحب تعطى احد وصفاتها خفت انها تبى توهقنى قلت مالى الا انى اسأل
04-08-1425 هـ, 04:22 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا بعد ودي باكثر من طريقه لحشوةالسمبوسه
04-08-1425 هـ, 09:28 مساءً
 


انا بعد ودي باكثر من طريقه لحشوةالسمبوسه إذا ممكن

07-08-1425 هـ, 10:51 صباحاً
 
مرحبا يالحلويييييييييين

أنا عندي كذا حشوه للسمبوسه ..

أولها : تخلطين جبنه بيضه مع شوية جبن موزاريلا أو جبن لاباشكيري (مثلثات) و تخلطين معاهم بقدونس مفروم

بالنسبه للحم :
تحمرين بصل و تحطين معه فصين ثوم مفرومين و بعدين تضيفين اللحم المفروم و تحركينه و تضيفين عليهم البهارات (كركم ، فلفل أسود أو حار ، بهار حلو ، .....الخ) والملح و ممكن تضيفين عليه شوية بقدونس مفروم و تحشين به السمبوسه أما بالنسبه للطماطم فما جربت أحطه في السنبوسه بس قالولي ممكن تحطين ملعقة طعام صلصة طماطم للخلطه السابقة ..


و ممكن تسوين سمبوسه بالدجاج :
تحمرين بصل و تحطين جزر مبشور و مشروم مقطع (فطر) و تحطين عليهم الدجاج بعد ما تسلقينه و تفتفتينه صغار و تضيفين عليهم البهارات و الملح و بعدين تحشين بهم السنبوسه و ممكن تسوين بهالخلطه سندويشات تطلع واااااااااااااااايد لذيذه ..

ممكن تسوين سمبوسه بالبطاطس :
تفورين البطاطس و بعدين تهرسينه بعد ما تقشرينه ، و تكونين محمره بصل و تضيفين على البصل البطاط المهروس و تحطيلهم البهارات و الملح و تضيفيلهم شوية شبت و تحشين بهم السمبوسة ..


و بالهنا و العافيه

اختكم ..

شمـــ وفا ـــعة :24:
12-08-1425 هـ, 03:40 مساءً
 


الساعة الآن 10:23 .