تعويض الخساره يمكن يتحقق في شهر ويمكن يتعوض في سنه او سنوات ويمكن مايحالفك الحظ وتزيد الخساره وهذا شي مكتوب


لكن نتكلم عن الاستثمار
مثلا الاسهم الثقيله ماتنفع استثمار سنه ، صافولا وسابك والاتصالات السعودية وموبايلي والجماعي والبحري ومجموعه كبيره من الاسهم الثقيله تصلح استثمار لمدة لاتقل عن 5 سنين المهم انك تراجعين اخر قوائمها الماليه وتشوفين هل هي في نمو او سجلت خساير ولازم ارباحها تشغيليه ماهي من بيع اصول او استثمارات
وارجعي لموقع تداول وتعمقي في اعلانات الشركات الاخيره وعدد اسهمها وافتحي مؤشراته وشوفي كيف حركته خلال سنه و خمس سنوات
ليش نقول 5 سنين على اقل تقدير ؟

السبب ان 5 سنين يمدي الشركة صرفت ارباح فصليه او سنويه واحيانا تمنح كل سنه وكذا تكون تكاثرت الاسهم وينقسم السعر ومع الوقت يرجع السهم لنفس السعر السابق وتكونين امتلكتي عدد كبير من الاسهم ( بالمنح ) وبرضو فيه ارباح نقديه كل مادلخت حسابك تشترين به اسهم في نفس الشركه والسعر مع الوقت يرجع لسعر الشراء الاول

كذا نكون استثمرنا في سهم مانفكر في قيمته لكن نفكر في ارباحه النقديه والمنح واكيد اذا ارتفع السوق كله بيرتفع سهمنا لان له دور في المؤشر
هذا الاستثمار الطويل

لكن اذا تفكيرك في سنه ومقتنعه بسوق الاسهم فمالك الا تبحثين عن سهم عدد اسهمه قليله تتحكم فيها القروبات بسرعه ويكون في القاع وماعليه تضخم مثل المعجل او اي سهم قريب من قاع تاريخي
وقبل كل حاجه لازم نشوف عدد اسهمه الحره كم ونقارنها باسعار الاسهم اللي مثله
اذا شفنا سعره اعلى منهم نبتعد عنه واذا شفناه نازل عنهم فنكمل دراستنا عليه ونقرر
مثل السهم هذا مطلب للمضاربين ويجمعون فيه شهور بعد مايملون منه الناس ويطفشون ثم يجي يوم ينطلقون به من قاعه ويدبلون وتتخلصين منه وتدورين غيره وهذا استثمار قصير لكن في سهم مضاربي

واللي تبغى تصير مضاربه يوميه فهذي لازم تدرس وتتعلم طرق التحليل وتشتغل على الاسهم اللي فيها تذبذب فني ويمشي في مسيراته على 90 % من قواعد التحليل الفني من دعوم ومقاومات وتنفع نفسها بنفسها او تبحث عن كاتب او كاتبه ثقه وتراقبه فتره واذا شافت صواب توصياته تبدأ تشتري على توصياته وتضارب على هامش ربح بسيط ويوم ورى يوم تحصل ارباحها زادت واحسن لها من التخبط وضياع الوقت والمال والتعليقات المتتاليه
ألف شكر عزيزتي
لا إله إلا انت سبحانك إني كنت من الظالمين
اقتباس مشاركة  (اسومه 654)
ألف شكر عزيزتي
مشكووره
اشكرك اسومه


الساعة الآن 07:47 .