السلام عليكم،،، كيف الحال...****الله بخير...
أنا هذي اول مشاركه لي ... واتمني انكم ما تفشلوني...
اول شي كل عام وانتم بخير بما ان رمضان قرب وانا اللي بقدمه لكم حلو ما نستغني عنه برمضان وهو اللقيمات...
اولا المقادير:
1كيس طحين (المطاحن)
2 ملعقه حليب بودر
1,5 ملعقه وسط خميره
1,5 ملعقه ملح
بياله سكر
1 ملعقه هيل ناعم
بياله زيت
القليل من الزعفران + ذره فانيلا

الطريقه:
يخلط الطحين مع المواد الجافه ثم نضيف اخر شي الزيت ونكون مجهزين بالخلاط (كوب ماء+ علبه روب + بطاطه مسلوقه) ونضعها علي الطحين ونبدا بعجنها باليد جيدا حتي تتماسك واذا احتاجت ماء نضع القليل من الماء الدافي ثم نغطيها جيدا حتي تتخمر لمده ساعه ثم تقلي بالزيت الغزير .

وبالهنا والشفا
05-08-1425 هـ, 02:12 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تسلمين يا نعنوعة على الوصفة الحلوة والله انك شهيتيني اقوم اسويها بس عندي سؤال لا سويتيها ما تفش بعدين؟ يعني انا ابيها تكون مقرمشة الى بعد الفطور بساعات؟؟؟؟؟؟؟؟؟؟؟؟؟ ويعطيك الف عافية
05-08-1425 هـ, 09:51 صباحاً
 
هلا امل ...
ابشرك انك اذا سويتها ماراح يبقى منها شي لبعد الفطور
بس الصراحه انا اسوي نص العجينه قبل الفطور والباقي بعد الفطور
بعدين اذا قليت القيمات لاتغطينها عشان ما تفش .
و****الله تضبط معاك .
وينكم الباقي حرام عليكم سببتولي احبااااااط اول مشاركه لي ومحد يرد علي
05-08-1425 هـ, 01:17 مساءً
 
مايطلع لها اجنحه وزيدات يعني تطلع دوائر حلوه
وياليت تقولي مقياس الدقيق بالكاس وهل ينفع الدقيق الكويتي
ياليت تردي علي بسرعه
05-08-1425 هـ, 01:45 مساءً
 
هلا حبيبتي...
عاد الزوائد والاجنحه تعتمد علي طريقتك بصب اللقيمات ، انت وشطارتك!!
والمقياس عيوني كيس المطاحن الكويتي كامل ....
ما ادري تحصلونه عندكم بالسعوديه والا لا؟
06-08-1425 هـ, 01:13 صباحاً
 


الساعة الآن 11:18 .