بنات يااعمري انتم
عندي عزيمه عقب سبوع لبنات اعماهم من 30 الى 20 يمكن 7 او اكثر
اول مره يجوني
واول مره اعزم احد من نقلت لهالمدينه ومن تزوجت

فمحتاره يابنات شسوي لهم عشاء ماعندي مكان كبير عشان ممكن احط بوفيه كامل وانوع
فـ بط سفره عاديه وعشاء رئيسي ومادري شحط ابي اطباق متناسقه المهمه واللي لازم احطها يعني

يارب اتعين هالسنه
مكرونه وصواني فرن ومقبلات
الرجيم المُركب (السبت1435/4/8)الوزن123.2
حطي نوعين او ثلاث انواع حلى عشا وسلطات نوعين سلطه عاديه وسلطه الزبادي بالخيار والجزر واحطي الصلصه الحاره

اذا تبين طريقتها روعه

وحطي عصاير عاد انتي وذوقك ممكن تحطين ورق عنب وكبه وممكن جريس تسوينه قبل بيوم وتحطينه بالثلاجه ووقت العزيمه

تسخنينه وتوزعينه بصحون صغيره وترشين عليه ليمون اسود وفلفل اسود وممكن قرصان تطلع سفرتك روعه
أهلين حبييبتي حاسه فيك والله انا زيك كذا ساكنه بعيد عن اهلي وعزايمي دايما الحريم زيك شباب فأنا أحرص على الأطباق الشبابيه وما أحط شعبي الا ممكن جريش اذا كان فيه اطفال لأنهم يحبونه ...فأنتي نظمي عشاك على هالأساس ..كم عدد الحريم ومعهم أطفالهم اولا وهل انتي تمونين عليهم او قد عزمتيهم قبل او انتي لسا متعرفه عليهم جديد وهل فيه احد بيساعدك ,وبكذا ممكن تحددين الاصناف اللي بتحطيها وممكن تلفين على اقسام المنتدى وتاخذين منهم اطباق مره ناجحه وجربيها ممكن لو عندك وقت ..وبالنسبه للمكان انا والله ماعندي مكان اسوي بوفيه لكن استأجر من محلات البوفيه طاولات واكركب الاثاث بمكان واحطهم عشان يكون العشا راقي لأن الأرض مهما صلحتي بيصير عادي ..وبالنسبه للعشا لاتكثرين اصناف اذا ماعندك شغاله حتى ماتتعبين ووقت العزيمه تكوني مرهقه وماتنجح عزيمتك لأن الناس على قولتهم مايبون الا وجه رايق و(احجاج سمح خخخ على قولة امي الله يذكرها بالخير ) المهم اصناف العشا حطي اثنين مقبلات ونوعين او ثلاثه مو اكثر سلطات ونوعين اطباق جانبيه اذا العدد كبير او واحد وطبقين رئيسيات ونوعين حلى للقهوه ونوعين للعشا ويكون سهلين ومميزين وصلحي كل شي قبل العزيمه بأيام وبنفس اليوم خليه طبخ الطبق الرئيسي الا اذا بتجيبيه من برى حتى السلطات غسليها قبل بيوم ولو فيها قلي اقليها قبل ومن الصبح بيوم العزيمه انا اقطعها ولا احط الدريسنج الا وقت التقديم حتى حركات التجميل من ليمون وووو قطعيها الصبح ..
وانا هنا صورت مره عزيمه وكان عندي سبع من صديقاتي وانا واختي واستأجرت طاولات بس كانت الاطباق محدوده وسهله لأنها بيوم دوام فما حبيت اتعب نفسي شوفيها ممكن تستفيدي ..
هذا الرابط واذا بغيتي شي انا حاضره لكن ممكن اتاخر بالرد لني جديده وماعندي إلا 3 مشاركات باليوم خخخ والله يعينك يارب ويوفقك ..
http://forum.hawaaworld.com/showthread.php?t=2182216
مقبلات ( شوفي قسم المعجنات اختاري اللي تكون خفيفه عشان يقدرو ياكلون بعد )
سلطات (اختاري اللي تعجبك المهم انك تزينيها بطريقه شيك )
الطبق (هذا يعود لك حبيبتي: لحم أو دجاج مع رز أو زيتون (بدون نوى)
الحلى: ادخلي قسم الحلويات حبيبتي أو الأطباق المجربه أفضل وسلامي



الساعة الآن 12:39 .