شدي حيلك
في البدايه راح يكون فيه اخطاء
بس عادي ترى مع التكرار يتعلم الشطار
ومع التجارب راح تكسبين تجربه
وتصيرين تعرفين كيف تطلعين الطبخات بطعم الي تبين
وترى فيه ناس تحسين اكلهم زين ترى مو كله كثرت طبخ لا انما فيه ناس لهم نفس في الاكل غير طبيعي
ولا تقولين لنفسك اذا شفتيهم انا ما اعرف وطبخي مو زين الا ما تلاقي انك احسن منهم في شي
ولا تتحطمين اذا كثرت الاخطاء
وراح تكوني طباخه اد الدنيا
يسلموااا علي الردود الحلوه وتشرفكم لصفحتي
جاري تطبيق النصائح
لطبخ سهل مافيه اي شي صعب بس انتي حولي ولاتياسي انا كنت ماعرف اطبخ وشوي شوي صرت اطبخ احلى من طبخ امي الله يحفظها على انها هي اللي علمتني صرت احسن منها وصارت هي الحين تسالني عن الطبخ ههههههه انتي حاولي تتطبخي حتى لو مازبط اليوم الثاني عيديها وخلي الشغاله تعلمك ادا امك بعيده عنك انا بنت خالتي توها متزوجه ماتعرف بطبخ شي تدق علىي وتسالني واكتبلها الطبخات ورسلها لهااا وتسويها زي ماقالت اللي قبلي اشتري كتاب وربي الطبخ مايبيله شي ابد الله يعينك يااارب و ان شاء الله راح تسوين طبخه وتصوريها وتنزليها ونشوفهاااا
حبيبتي كيفك

بقولك طريقة مندي سهل بالمرة
بقول الطريقة والمقادير مع بعض

خذي حبة دجاج اغسليها وقطعيها 8قطع اكيد عارفة قصدي يعني نص بعدين ربع بعدين الربع قصيه قطعتين
وحطيها بالصينية
خذي حافضة بلاستيك وقطعي حبة بصل تقطيع صغير
وحبتين طماطم تقطيع صغير
وحطيها بالحافضة واخلطيها مع بعض وحطي ملعقة فلفل اسود وملعقة ملح واخلطيهم وحطيها بالصينية وابدي افركيها بيدك بالدجاجة وزيدي ملعقة ثانية ملح ورتبيها بالصينية بحيث يكون الجلد لاسفل وحطي قرفة حب وحطي هيل حب وحطي مسمار قهوة حب وحطي قرن فلفل حار بدون تقطيع وغطي الصينية زين بالقصدير لفي عليه مرتين وحطيها بالفرن 40 دقيقة وفي هالوقت تكونين قد غسلتي الرز ونقعتيه اذا مر 20 دقيقة على الدجاج ابدي اسلقي الرز بقدر وحطي زيت وملح وماءفقط وخليه يطبخ لين يستوي اكثر من نص الاستواء يعني تكون حبة الرز استوت بس مالانت مرة فيها قساوة شوي
يصير تطلعين الصينية وتفتحينها وتتاكدين من الدجاجة اذا استوت حطي الرز عليها وساويه فوق الدجاج وجيبي بودرة الزعفران
ورشي عليه شوي بدون ماتذوبينه بمويه وغطي الصينية وحطيها بالفرن عشر دقائق بالوقت هذا سوي سلطة خيار بالزبادي هي احلى شي معاه ابشري 2خيار بالمبشرة بالجهة الناعمة ثم ابشري ثوم حبة صغيرة واعصري كل الموية حقت الخيار ثم حطي الزبادي عليها واخلطيه وحطي الغدا بصحن يكون الرز ابيض واصفر ولون احمر خفيف والدجاج كانه محمر بالفرن او يكون عادي ابض والله طعمه لذيذ امانة جربي وقوليلي
ياقلبي تسلمين ياعمري
ان شاء الله هذا غدا بكرة اذا الله ارد
بس شوفي لازم يكون الدجاج بالجلد ؟؟


الساعة الآن 04:34 .